الماتىدا بيىل مامىردا قايرات جانە نۇرشاشقان شاعىن اۋداندارىنىڭ تۇرعىندارى ءۇشىن جاڭا «تۇزدىباستاۋ» قوسالقى ستانسياسى پايدالانۋعا بەرىلەدى
تۇركسىب اۋدانىنىڭ تۇرعىندارىمەن كەزدەسۋ بارىسىندا الماتى اكىمى ەربولات دوسايەۆ ەلەكتر جەلىلەرىن سالۋ جانە جاڭعىرتۋ باعىتىندا اتقارىلىپ جاتقان اۋقىمدى جۇمىستار تۋرالى باياندادى. بۇل شارالار ەلەكترمەن جابدىقتاۋدىڭ سەنىمدىلىگىن ارتتىرۋعا جانە تۇرعىن الاپتارىندا ءجيى بولاتىن اپاتتاردى جويۋعا باعىتتالعان.
2024 جىلى قايرات شاعىن اۋدانىندا 55،5 كم كابەل جەلىلەرى تارتىلىپ، 22 ترانسفورماتورلىق قوسالقى ستانسيا مەن 1 تاراتۋ پۋنكتى ورناتىلدى. بۇل شارالار اۋداننىڭ ەلەكترمەن قامتۋ ساپاسىن ايتارلىقتاي جاقسارتىپ، اپاتتىق جاعدايدا ءوشۋدىڭ سانىن ازايتۋعا مۇمكىندىك بەردى.
بۇعان قوسا، 2025 جىلدىڭ مامىرىنا دەيىن المەرەك جانە نۇرشاشقان شاعىن اۋداندارىندا 54،5 كم ەلەكتر جەلىلەرى مەن 16 ترانسفورماتورلىق قوسالقى ستانسيانى جاڭعىرتۋ جۇمىستارى اياقتالادى.
قايرات جانە نۇرشاشقان شاعىن اۋداندارى تۇرعىندارىن ۇزدىكسىز ەلەكتر قۋاتىمەن قامتاماسىز ەتۋ ماقساتىندا 2024 جىلى جاڭا «تۇزدىباستاۋ» قوسالقى ستانسياسى سالىندى. نىساندى پايدالانۋعا بەرۋ بيىل مامىر ايىنا جوسپارلانعان. ءقازىر «تۇزدىباستاۋ» قوسالقى ستانسياسىن «بەساعاش» قوسالقى ستانسياسىمەن بايلانىستىراتىن 7،8 كم كابەل جەلىلەرىن تارتۋ جۇمىستارى ءجۇرىپ جاتىر. بۇل جوبالاردىڭ جۇزەگە اسىرىلۋى اۋدان تۇرعىندارىن تۇراقتى ەلەكترمەن قامتاماسىز ەتەدى جانە بولاشاقتا ينفراقۇرىلىمدى دامىتۋعا نەگىز بولادى.
جالپى، قالادا ينجەنەرلىك جەلىلەردى جاڭعىرتۋ جانە قايتا قۇرۋ بويىنشا كەشەندى شارالار قابىلدانىپ جاتىر. وسى جۇمىستاردىڭ ناتيجەسىندە 2025 جىلى سۋمەن جابدىقتاۋ جەلىلەرىنىڭ توزۋى 52،9%-عا، سۋ بۇرۋ جەلىلەرىنىڭ توزۋى 53،9%-عا، ال ەلەكترمەن جابدىقتاۋ جەلىلەرىنىڭ توزۋى 63،3%-عا دەيىن تومەندەيدى.