الماتى اكىمىنىڭ حالىقپەن كەزدەسۋى بارىسىندا تۇركسىب اۋدانىنىڭ تۇرعىنى جاياۋ جۇرگىنشىلەر وتكەلدەرى، اتاپ ايتقاندا سەركەبايەۆ بويىنداعى وتكە بويىنشا سۇراق قويىپ، جاياۋ جۇرگىنشىلەردىڭ قاۋىپسىزدىگىن قوسىمشا جارىقپەن قامتاماسىز ەتۋدى ۇسىندى، دەپ حابارلايدى aqshamnews.kz
ونىڭ سۇراعىنا قالا اكىمىنىڭ ورىنباسارى اسقار ءامرين جاۋاپ بەردى: «الداعى ەكى ايدا ءبىز قالادا جارىقتاندىرۋ بويىنشا قالعان جۇمىس كولەمىن تولىعىمەن اياقتايمىز. بۇگىنگى تاڭدا قالانىڭ جارىقتاندىرۋ دەڭگەيى جاياۋ جۇرگىنشىلەر وتكەلدەرىن قوسقاندا 85%-دى قۇرايدى. سوڭعى ەكى جىلدا ءبىز ماگيسترالدىق جولدارمەن اينالىستىق، بيىلعى جىلى جاياۋ جۇرگىنشىلەر وتكەلدەرى مەن جاياۋ جۇرگىنشىلەر تروتۋارلارىنا باسا نازار اۋدارىلۋدا».
الماتى اكىمى ەربولات دوسايەۆ ءوز كەزەگىندە «الماتى قالا جارىق» ءمجا باسشىلىعىنا جانە اۋدان اكىمدەرىنە بارلىق جاياۋ جۇرگىنشىلەر وتكەلدەرىن قوسىمشا جارىقتاندىرۋمەن قامتاماسىز ەتە وتىرىپ، «حالىق قاتىساتىن بيۋدجەت» باعدارلاماسى اياسىندا سىرتقى جارىقتاندىرۋ بويىنشا جوبالاردى قىسقا مەرزىمدە ىسكە اسىرۋدى تاپسىردى. «سەركەبايەۆ بويىنداعى وتكەلدى جارىقتاندىرۋ بويىنشا پيلوتتىق جوبانى وسى جىلدىڭ مامىر ايىنىڭ سوڭىنا دەيىن ىسكە قوسۋ قاجەت»، - دەدى قالا باسشىسى.
ايتا كەتەيىك، الماتىدا قالا اكىمىنىڭ تاپسىرماسى بويىنشا كوپتەگەن جاياۋ جۇرگىنشىلەر وتكەلدەرى ەنەرگيا ۇنەمدەيتىن اسەرى بار ۆاندالعا قارسى شامدارمەن، تاكتيلدى پليتالارمەن جانە بەينەكامەرالارمەن جابدىقتالعان.