الماتى اكىمى ەربولات دوسايەۆ تۇركسىب اۋدانىنىڭ تۇرعىندارىمەن كەزدەسۋ بارىسىندا ەلەكتر جەلىلەرىن رەكونسترۋكسيالاۋ بويىنشا اتقارىلعان جۇمىستار مەن الداعى جوسپارلار تۋرالى ايتىپ بەردى، دەپ حابارلايدى aqshamnews.kz
قالا باسشىسىنىڭ ايتۋىنشا، «المەرەك»، «نۇرشاشقان» جانە «قايرات» شاعىن اۋداندارىنىڭ تۇرعىندارىن ۇزدىكسىز ەلەكتر قۋاتىمەن قامتاماسىز ەتۋ ءۇشىن «تۇزدىباستاۋ» قوسالقى ستانسياسى سالىندى. قوسالقى ستانسيانى «تۇزدىباستاۋ» قوسالقى ستانسياسىن «بەساعاش» قوسالقى ستانسياسىمەن بايلانىستىراتىن كابەلدىك جەلىلەردى توسەۋ جۇمىستارى اياقتالعان سوڭ، 2024 جىلدىڭ جەلتوقسان ايىنىڭ سوڭىنا دەيىن ىسكە قوسۋ جوسپارلانىپ وتىر.
سونىمەن قاتار، اتالعان شاعىن اۋدانداردا 110 كم ەلەكتر جەلىلەرىن جاڭارتۋ جۇمىستارى جۇرگىزىلۋدە. جۇمىستار 2024 جىلدىڭ سوڭىنا دەيىن اياقتالادى دەپ جوسپارلانۋدا.
جالپى، الماتى قالاسىندا جىل باسىنان بەرى 76 كم ەلەكتر جەلىسىنىڭ 66 كم-ى جاڭارتىلدى.
سونىمەن قاتار، بيىل ماگيسترالدى كوشەلەردە 25 كم سىرتقى جارىقتاندىرۋ جۇيەسى جوندەلىپ، 250 كم-دەن استام كابەل تارتىلىپ، 1800 باعانا ورناتىلدى.