تۇركسىب اۋدانى تۇرعىندارىمەن كزەدەسۋدە وقۋ ورنى تاپشىلىعى ماسەلەسى ءسوز بولدى.
بۇگىن الماتى قالاسى اكىمىنىڭ مىندەتىن اتقارۋشى ەربولات دوسايەۆ تۇركسىب اۋدانى تۇرعىندارىمەن كەزدەستى، دەپ حابارلايدى Almaty-akshamy.kz.
2022 جىلدىڭ جەلتوقسان ايىندا مەكتەپتىڭ قۋاتىن 900 وقۋشى ورنىنا دەيىن ارتتىراتىن № 59-شى مەكتەپ-گيمنازيا عيماراتىنا (ساۋرانبايەۆ كوشەسى بويىندا) قوسىمشا قۇرىلىستى سالا وتىرىپ، رەكونسترۋكسيالاۋ باستالادى.
«بۇرىن ايتقانىمداي، كەلەسى جىلى 1050 ورىندىق ەكى قوسىمشا قۇرىلىس (№195 - 450 ورىن، №198 - 600 ورىن) جۇرگىزۋدى باستايمىز. ءقازىر جوبالاۋ-سمەتالىق قۇجاتتاماسى ازىرلەنىپ جاتىر. 2023 جىلدىڭ ماۋسىم ايىندا اياقتالادى»، - دەدى الماتى قالاسى اكىمىنىڭ مىندەتىن اتقارۋشى ە.دوسايەۆ.
سونداي-اق مەكتەپكە دەيىنگى ۇيىمداردى جوندەۋ جانە سالۋ جۇمىستارى شەڭبەرىندە №70 ارنايى بوبەكجاي-بالاباقشا عيماراتىن سەيسميكالىق كۇشەيتۋ جالعاسۋدا، جۇمىستار 2023 جىلدىڭ ناۋرىز ايىندا اياقتالادى.
قۇرىلىس ماتەريالدارى باعاسىنىڭ قىمباتتاۋىنا، جۇمىسىن ادال اتقارمايتىن مەردىگەرلەردىڭ كوبەيۋىنە بايلانىستى "جاس قانات" شاعىناۋدانىنداعى 280 ورىندىق بالاباقشانى سالۋ جۇمىستارى توقتاتىلدى. قۇرىلىستى 2023 جىلدىڭ ءىىI توقسانىندا باستاۋ جوسپارلانعان.
2023 جىلدىڭ قاڭتار ايىندا «قايرات» شاعىناۋدانىندا 260 ورىندىق بالاباقشانىڭ قۇرىلىسى باستالادى.