كەيبىر جەلىلەر رەكونسترۋكسيالاندى.
وسى جىلدىڭ سوڭىنا دەيىن تۇركسىب اۋدانىنداعى 5،5 كم ەسكى ەلەكتر جەلىلەرىن جاڭعىرتۋ جۇمىستارى اياقتالادى. بۇل تۋرالى الماتى اكىمىنىڭ مىندەتىن اتقارۋشى ەربولات دوسايەۆ ايتتى، دەپ حابارلايدى Almaty-akshamy.kz.
«وسى جىلدىڭ ماۋسىم ايىندا وتكەن كەزدەسۋىمىزدە جاحانگەر كوشەسىندەگى 22 ءۇيدى ەلەكترمەن جابدىقتاۋ ماسەلەسى ايتىلدى. قازىرگى ۋاقىتتا جاڭا ەلەكتر جەلىسىن سالۋ جۇمىستارى اياقتالدى. تۇرعىندار قالالىق جەلىلەرگە قوسىلىپ، ۇزدىكسىز ەلەكتر ەنەرگياسىمەن قامتاماسىز ەتىلدى. وسى جىلدىڭ سوڭىنا دەيىن «شۋاقتى» شاعىناۋدانىنداعى 5،5 كم ەسكى ەلەكتر جەلىلەرىن جاڭعىرتۋ جۇمىستارى اياقتالادى. ونىڭ 5،3 كم رەكونسترۋكسيالاندى»، - دەدى ەربولات دوسايەۆ.
2023 جىلدىڭ باسىندا ءدال وسىنداي جۇمىستاردى «المەرەك» (23،5 كم) جانە «قايرات» (55،5 كم) شاعىن اۋداندارىندا باستاۋدى جوسپارلانىپ وتىر.
«قايرات» جانە «نۇرشاشقان» شاعىناۋداندارىندا 2 400-دەن استام ابونەنتتى جەتكىلىكتى ۇزدىكسىز ەلەكتر ەنەرگياسىمەن قامتاماسىز ەتۋ ءۇشىن «تۇزدىباستاۋ» پودستانسياسى سالىنىپ جاتىر. جۇمىستاردى 2023 جىلدىڭ ماۋسىم ايىندا اياقتاۋ جوسپارلانعان»، - دەدى ەربوات دوسايەۆ.