بۇل تۋرالى الماتى قالاسى اكىمىنىڭ م.ا. ە.ا. دوسايەۆ تۇركسىب اۋدانىنىڭ تۇرعىندارىمەن كەزدەسۋىندە ايتتى، دەپ حابارلايدى اlmaty-akshamy.kz.
تۇركسىب اۋدانىنىڭ اۋماعىندا قاۋىپسىزدىكتى قامتاماسىز ەتۋ ءۇشىن وسى جىلدىڭ قاراشا ايىنان باستاپ 174 مەكەنجايدا 322 بەينەباقىلاۋ كامەراسىن ورناتۋ جۇمىستارى باستالدى. جۇمىستار 2022 جىلدىڭ جەلتوقسان ايىنىڭ سوڭىنا دەيىن اياقتالادى.
سونىمەن بىرگە 2023 جىلدىڭ ءساۋىر ايىندا 96 مەكەنجايدا 448 «سەرگەك» كامەراسىن وندىرىستىك پايدالانۋ ماقساتىندا ىسكە قوسۋ جوسپارلانۋدا. وسى جىلدىڭ سوڭىنا دەيىن جەر ۇستىندەگى جاياۋ جۇرگىنشىلەر جولىنداعى كوتەرگىش قۇرىلعىلاردى قالپىنا كەلتىرۋ جۇمىستارى اياقتالادى (مايلين كوشەسى مەن ءسۇيىنباي داڭعىلى بويىندا). ءقازىردىڭ وزىندە ءۆانداليزمنىڭ الدىن الۋ ءۇشىن 30 بەينەباقىلاۋ كامەراسى ورناتىلدى، ونى تۇركسىب اۋدانىنىڭ پوليسياسى كورە الادى.