تۇركسىب اۋدانىندا ينجەنەرلىك جەلىلەردى جاڭالاۋ – ەڭ وزەكتى ماسەلەنىڭ ءبىرى بولىپ قالا بەرەدى. وڭىرلىك كوممۋنيكاسيالار قىزمەتىندە اۋدان اكىمى باحىتجان اقجاروۆ وسى باعىتتا قانداي جۇمىس ىستەلىپ جاتقانىن ايتتى، دەپ حابارلايدى aqshamnews.kz
اكىمنىڭ ايتۋىنشا، 2024 جىلى شۋاقتى، المەرەك شاعىن اۋدانى مەن زاكارپاتسكايا كوشەسىندە 43 شاقىرىمنان اساتىن سۋمەن جابدىقتايتىن جەلى مەن كارىز جەلىسى سالىندى. بيىل نيجنيايا پياتيلەتكا شاعىن اۋدانىندا 115 شاقىرىم سۋ قۇبىرى مەن 31،9 شاقىرىم كارىز جەلىسىنىڭ قۇرىلىسى اياقتالىپ قالدى. 2025 جىلدىڭ سوڭىنا دەيىن 28،4 شاقىرىم سۋ قۇبىرى مەن 21،2 شاقىرىم كارىز جەلىلەرى قۇرىلىسى اياقتالادى.
سونىمەن قاتار، تۋكايا - نوريلسكيي - پوددۋبنىي - ديكسون مەن اقان سەرى - سەيفۋللين - شولوحوۆا كوشەسىنىڭ اۋماعىندا 16،1 شاقىرىم سۋ قۇبىرى مەن 16،8 شاقىرىم كارىز جەلىسىنىڭ قۇرىلىسى جۇرگىزىلىپ جاتىر.
«جالپى، سۋ قۇبىرى مەن كارىز جەلىلەرىن جاڭالاۋ جاعى كەزەڭ-كەزەڭىمەن ىسكە اسادى. وسىعان بايلانىستى، نيجنيايا پياتيلەتكا شاعىن اۋدانىندا ەكى كارىز سورعى ستانسياسىنىڭ قۇرىلىسى بويىنشا بايقاۋ وتكىزىلىپ جاتىر»، - دەپ اتاپ ءوتتى باقىتجان اقجاروۆ.
سونىمەن قاتار، رىسقۇلوۆ - جانسۇگىروۆ - شولوحوۆ - سەيفۋللين كوشەسىنىڭ اۋماعىندا ينجەنەرلىك جەلىلەر سالۋ جوباسى بويىنشا مەملەكەتتىك ساراپتاما الىنعان، نۇرشاشقان شاعىن اۋدانىنداعى قامتىلماعان ۋچاسكەلەردىڭ جوبالىق-سمەتالىق قۇجاتتاماسى ازىرلەنىپ جاتىر.
ەلەكتر جەلىلەرىن مودەرنيزاسيالاۋ دا اياقتالدى: قايرات پەن المەرەك شاعىن اۋدانىندا ەلەكتر جەلىلەرى جاڭارتىلدى. ءقازىر او «اجك» قالالىق جەلىلەرىنە قوسىلىپ جاتىر. «تۇزدىباستاۋ» پودستانسياسىنىڭ قۇرىلىسى 31 شىلدەگە دەيىن اياقتالادى، ءقازىر قوسىمشا جەلىلەر تارتىلىپ جاتىر.
جىلۋمەن جابدىقتاۋ بويىنشا وتكەن جىلى 2،1 شاقىرىم جىلۋ جەلىسى جاڭارتىلدى، «ۆوكزال» جىلۋ ستانسياسىنا 3،4 شاقىرىم سۋ قۇبىرى مەن 7،3 شاقىرىم ەلەكتر جەلىسى تارتىلدى. 2025 جىلى تاعى 9 جىلۋ ستانسياسىن جاڭالاۋ مەن 8،9 شاقىرىم جىلۋ جەلىسىن جاڭارتۋ جوسپارلانىپ وتىر، بۇل جۇمىستار نامانگانسكايا-مونتاجنايا مەن سەيفۋللين-كوتەلنيكوۆ كوشەسىن قامتىماق.
قايرات شاعىن اۋدانىندا گاز قىسىمىن تۇراقتاندىرۋ ماقساتىندا 12،4 شاقىرىم گاز جەلىسى جاڭارتىلادى، بۇل 1300-دەن استام جەكە ۇيلەر مەن كوپقاباتتى ۇيلەردى جىلۋمەن قامتاماسىز ەتۋگە مۇمكىندىك بەرەدى.