وڭىرلىك كوممۋنيكاسيالار قىزمەتىندە تۇركسىب اۋدانىنىڭ اكىمى باقىتجان اقجاروۆ قاتىسقان باسپا ءسوز كونفەرەنسياسى بولىپ ءوتتى. وندا اۋدان اكىمى جول ينفراقۇرىلىمىن جاقسارتۋ جۇمىسى تۋرالى، سونىڭ ىشىندە جولدى قالاي جوندەپ، اسفالت پەن تروتۋاردى قالاي جاڭارتىپ جاتقاندارىن ايتىپ بەردى، دەپ حابارلايدى aqshamnews.kz
2024 جىلى اۋدان بويىنشا 38 كوشەنىڭ 39،6 شاقىرىمى جوندەلگەن. سونىمەن قاتار، 20 000 شارشى مەتردەن استام اسفالت جابىنى قالپىنا كەلتىرىلىپتى. تۇرعىن ءۇي قۇرىلىسى مەن كوشە جەلىسىنىڭ كەڭەيگەنىن ەسكەرە وتىرىپ، 13 جەردە 13 شاقىرىم جاڭا جول سالىنىپ، 200 ليۋك ورناتىلعان.
قازان ايىنىڭ سوڭىنا دەيىن 35 كوشەنىڭ 43،8 شاقىرىمى جوندەلىپ، بيىل 27 000 شارشى مەتردەن استام اسفالت جابىنى قالپىنا كەلتىرىلدى. 19 كوشەدە 3،5 شاقىرىم جاڭا جول سالۋ جوسپارلانىپ وتىر. سونىمەن قاتار، تاعى 200 ليۋك ورناتىلادى، ونىڭ 34ء-ىن وسى ۋاقىتقا دەيىن ورناتىپ قويعان.
2024 جىلى اۋدان بويىنشا 6 كوشەدە 11 شاقىرىم تروتۋار سالىنىپ، جوندەلگەن. بيىل دا جۇمىس جالعاسادى، 7 كوشەدە 4 شاقىرىم تروتۋار سالۋ جوسپارلانىپ وتىر، ونىڭ 2 شاقىرىمى الدەن اياقتالىپتى.
«سونىمەن قاتار، ءقازىر 4 نەگىزگى كوشەنىڭ بويىندا 10 شاقىرىمنان استام تەحنيكالىق تروتۋار سالىنىپ جاتىر. بۇلار تەك ەستەتيكالىق كورىنىسىن جاقسارتىپ قويماي، سونىمەن بىرگە كوشەنى تازالاۋ كەزىندە جاسىل-جەلەكتى حيميالىق رەاگەنتتەردەن قورعاۋعا كومەكتەسەدى»، - دەدى باقىتجان اقجاروۆ.
ءوز بايانداماسىندا اۋدان اكىمى قوعامدىق كولىككە قاتىستى ءىس-شارالاردى دا اتاپ ءوتتى. وتكەن جىلى 10 باعىتتاعى اۆتوبۋس پاركى جاڭارعان، نۇرشاشقان شاعىن اۋدانىندا №91 باعىت ىسكە قوسىلدى. 2025 جىلى تاعى 4 باعىت بويىنشا قىزمەت كورسەتۋ كۇشەيتىلىپ، «مەكتەپ اۆتوبۋسى» جوباسىن كەڭەيتۋ جوسپارلانعان، وسى جوبا بويىنشا ءقازىردىڭ وزىندە 42 اۆتوبۋس جۇمىس ىستەيدى.
قوعامدىق جانە جول قاۋىپسىزدىگىن قامتاماسىز ەتۋ ماقساتىندا وتكەن جىلى 690 بەينەباقىلاۋ كامەراسى (240 ورىن) جانە 32 «سەرگەك» كەشەنى (160 كامەرا) ورناتىلدى. وسىلايشا، قازىرگى ۋاقىتتا اۋدان بويىنشا 2028 «سۆم» جانە «سەرگەك» كامەراسى جۇمىس ىستەيدى، تاعى 700 كامەرا ورناتىلماق.