تۇركسىب اۋدانى حالىق ساناعىنا تىڭعىلىقتى دايىندالۋدا

تۇركسىب اۋدانىنىڭ سۇحبات الۋشىلارى حالىق ساناعى كەزىندە 72 مىڭنان استام جىلجىمايتىن مۇلىك نىساندارىن ارالايدى.

حالىق ساناعىنىڭ باستالۋىنا ءبىر ايدان از ۋاقىت قالدى، دايىندىق پروسەسى مامىردا باستالدى. بۇل تۋرالى الماتى قالاسى تۇركسىب اۋدانىنىڭ اكىمى باقىتجان اقجاروۆ وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسىندا ايتتى، دەپ حابارلايدى Almaty-akshamy.kz.

اۋدان اكىمىنىڭ ايتۋىنشا، ءقازىردىڭ وزىندە ەلدى مەكەندەردەگى ۇيلەردىڭ تىزىمدەرى دايىندالعان، ساناقتى ۇيىمداستىرۋ جوسپارى جاسالعان، ساناق قىزمەتكەرلەرىنىڭ سانى انىقتالعان.

«دايىندىق جۇمىستارى بارىسىندا ستاتيستيكا دەپارتامەنتىنەن ساناق قىزمەتكەرلەرىنىڭ كۋالىكتەرى، سونىمەن قاتار تىركەۋشىلەرگە ارنالعان جۇمىس قۇرالدارى: پلانشەتتەر، پاۋەربانكتار، پورتفەلدەر جانە باسقا دا كەڭسە تاۋارلارى الىندى. الداعى حالىق ساناعى سيفرلىق تەحنولوگيالاردى قولدانۋ ارقىلى جۇرگىزىلەتىن بولادى، بۇل وڭاي ءارى ىڭعايلى»، - دەدى ب. اقجاروۆ.

ادام سانىن تىركەۋشىلەر تۇركسىب اۋدانىنداعى جىلجىمايتىن مۇلىكتى راستاۋ ءۇشىن پلانشەتتەردە جۇمىس جۇرگىزدى. وسىلايشا ساناقشى-تىركەۋشىلەر كارتوگرافيالىق ماتەريالدى جاڭارتادى. ەكىنشى كەزەڭ ءۇشىن ءقازىر تۇرعىلىقتى حالىق سانىن بەكىتۋ قاجەت.

بۇگىندە سۇحباتشىلارمەن 100% قامتىدى، بۇل 72 602 جىلجىمايتىن مۇلىك نىسانى، 25 مىڭنان استام اقپاراتتىق ستيكەرلەر جاپسىرىلدى.

ەگەر اۋدانداعى نىسانداردىڭ الدىن الا سانى 63 مىڭنان اسسا، وندا ناقتى قامتۋ 72 مىڭنان استام نىساندى قۇرايدى. بۇل ءوسىم جەكە سەكتورداعى قوسالقى عيماراتتار مەن جاڭا عيماراتتارعا بايلانىستى.

حالىق ساناعىنىڭ ەكىنشى كەزەڭى 1 قىركۇيەكتەن باستالادى جانە ءتىزىم تولىق زەردەلەنەدى.

قازىرگى كەزدە اۋدان بويىنشا جاۋاپتىلار مەن وكىلەتتىلەر حالىق ساناعىنىڭ ەكىنشى كەزەڭىنە دايىندىق جۇمىستارىن جۇرگىزۋدە، سونىمەن قاتار ەسەپكە الىناتىن ۋچاسكەلەردى ءبولۋ جۇمىستارى جۇرگىزىلۋدە.