2023 جىلى حرونومەتراجى 5 مينۋتتان اساتىن كەمىندە 10 انيماسيالىق تۋىندى جارىققا شىعادى.
مادەنيەت جانە سپورت مينيسترلىگىنىڭ «قازاقانيماسيا» شىعارماشىلىق بىرلەستىگى تۇركىتىلدەس ەلدەرگە ورتاق ەجەلگى اڭىزدار نەگىزىندە انيماسيالىق الماناح جاساپ شىعارۋدى جوسپارلاپ وتىر، دەپ حابارلايدى Almaty-akshamy.kz.
مينيسترلىك ارنايى سەنارييلەر بايقاۋى جاريالانعانىن ايتتى. وعان تۇركىتىلدەس ەلدەردىڭ ەجەلگى اڭىزدارىمەن بايلانىستى تاقىرىپتاردا: تۇركىتىلدەس ەلدەردىڭ ۇلى تۇلعالارى، قاسيەتتى جانۋارلارى مەن جەر-سۋ اتاۋلارى، تۇركىتىلدەس ەلدەردىڭ ورتاق مەرەكەلەرى مەن ۇلتتىق ويىن-ساۋىقتارى تۋرالى اڭىزدار نەگىزىندە شىعارماشىلىق جۇمىستار قابىلدانادى.
پيچينگ قورىتىندىسى بويىنشا تاڭدالعان ون ۇزدىك جوبا اشىق قورعاۋ مۇمكىندىگىنە يە بولادى.
«بۇل جوبانىڭ ماڭىزى وتە ۇلكەن. ءقازىر سەنارييلەر بايقاۋى جاريالاندى. ءبىز اۆتورلارعا وتكەن تاريحىمىزدى بۇگىنگى كۇنمەن بايلانىستىرۋعا بولاتىنداي شىعارماشىلىق ەركىندىك بەرىپ وتىرمىز. سول سەبەپتى ۇمىتكەرلەردەن تاقىرىپقا ساي جانە كوركەمدىك دەڭگەيى جوعارى جۇمىستار كۇتەمىز»، دەدى «قازاقفيلم» كينوستۋدياسىنىڭ ۆيسە-پرەزيدەنتى سەرىك ابىشيەۆ.