«Neke tour» رەسپۋبليكالىق بايقاۋدىڭ جەڭىمپازدارى – ەءرلى-زايىپتى ون بەس جۇپ نەكە قيۋ ءۇشىن قازاقستاننىڭ رۋحاني استاناسى تۇركىستانعا جولداما الادى. سونىمەن قاتار جەڭىمپازدار قۇرمەتىنە رومانتيكالىق كەشكى اس، فوتوسەسسيا جانە مادەني باعدارلاما ۇيىمداستىرىلادى، دەپ حابارلايدى اlmaty-akshamy.kz
نەكە قيۋ – قازاق حالقىندا كەڭ قولدانىس تاپقان، شاريعات جولىمەن ورىندالاتىن ءداستۇر. سان عاسىردان بەرى بۇل ءداستۇر بەرىك نەكەنىڭ كەپىلى بولىپ كەلدى. جاستار ءبىر كەسەدەن نەكە سۋىن ءىشىپ، ادال بولۋعا انت بەرەتىن. وسىلايشا اتا-بابالارىمىز ىزگى نيەت جانە قوس جۇرەكتىڭ قالاۋىمەن ەكى جاستىڭ باسىن قوسقان.
تۇركىستاندا وسىناۋ ادەمى ءداستۇر جاندانىپ جاتىر. Open Turkistan تۋريستىك-اقپاراتتىق ورتالىعى تۇركىستان وبلىسىنىڭ مادەنيەت جانە تۋريزم باسقارماسىمەن بىرلەسىپ، ەرلى-زايىپتىلار اراسىندا وتەتىن «Neke tour» بايقاۋىن جاريالادى. بايقاۋ «Shanyraq»، «ماحاببات»، «ارۋ» جانە «جانۇيا» اتتى 4 نوميناسيا بويىنشا وتەدى.
بايقاۋ شارتتارى بويىنشا، 3-9 ءساۋىر ارالىعىندا ەرلى-زايىپتى جۇپتار neke-turkistan.kz پورتالى ارقىلى قاتىسۋعا ءونلاين-وتىنىم جولدادى. ەندى بايقاۋ كوميسسياسى تۇركىستانعا بارىپ، نەكە قيۋ ءراسىمىن ءوتىپ، سونداي-اق تاقىرىپتىق فوتوسەسسياعا قاتىسا الاتىن 15 جۇپتى انىقتاۋى كەرەك. جەڭىمپاز جۇپتار ءۇشىن قوسىمشا تەگىن رەيس، ءقوناقۇي جانە رومانتيكالىق كەشكى اس ۇيىمداستىرىلادى. سونداي-اق، جاس جۇبايلارعا تۇركىستاننىڭ كورىكتى جەرلەرىن ارالاپ، قالا بويىنشا تەگىن ەكسكۋرسيا ۇيىمداستىرىلادى.
بايقاۋ ۇيىمداستىرلعان كەزەڭدە قاتىسۋعا قازاقستاننىڭ بارلىق وڭىرىنەن دەرلىك 345 جۇپ ءوتىنىم قالدىردى.
«بايقاۋ تۋرالى ءبىلىپ، كوپتەگەن ەرلى-زايىپتى جۇپ قاتىسۋعا ءوتىنىم جىبەرگەنىنە قۋانىشتىمىز. مۇنداي بەلسەندىلىك جاستاردىڭ ءوز حالقىنىڭ مادەني جانە رۋحاني قۇندىلىعىنا دەگەن قۇرمەتى، سول سالت-داستۇرمەن ءومىر سۇرۋگە دەگەن قۇلشىنىسى بايقالادى. نەكە قيۋ ءراسىمىنىڭ قاسيەتتى ءمان-ماعىناسى باياندى ءارى باقىتتى وتباسىلىق ومىرگە جاقسى نەگىز بولادى»، – دەيدى ۇيىمداستىرۋشىلار.
«Neke tour» بايقاۋىنىڭ جەڭىمپازدارى قازاقستاندا XIII–XIV عاسىرلارداعى قازاق ەپوسىنىڭ كەيىپكەرلەرى – قوزى كورپەش پەن بايان سۇلۋعا ارنالعان عاشىقتار كۇنى 15 ساۋىردە جاريالانادى. بايقاۋ ناتيجەسى ۇيمداستىرۋشىنىڭ @_openturkistan_ پاراقشاسىندا جاريالانادى