تۇركىستان تۇرعىنى گاز جەلىسىن ءوز بەتىنشە قوسىپ العان ەكەن.
تۇركىستان قالاسىنىڭ «ياسسى» شاعىناۋدانىنداعى جەكەمەنشىك ۇيدە جارىلىس بولىپ، ءبىر وتباسىنىڭ 4 مۇشەسى كۇيىك جاراقاتىمەن اۋرۋحاناعا جەتكىزىلدى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
وقيعاعا گازدىڭ شىعۋى سەبەپ بولۋى مۇمكىن. ناقتى قاي گاز ءتۇرى ەكەنى انىقتالۋ ۇستىندە. ۇيدەن رەدۋكتورى ىستەمەيتىن 25 ليترلىك گاز باللونى دا تابىلعان. تجد مەن گاز سالاسىنىڭ ماماندارى ساراپتاما جۇمىستارىن جۇرگىزىپ جاتىر.
ايتا كەتسەك، 2022 جىلدىڭ 23 قاراشاسىندا بەرىلگەن تەحنيكالىق شارت نەگىزىندە جەكەمەنشىك مەردىگەر مەكەمە «گازمونتاج نۋر» ج ش س تاراپىنان قۇرىلىس-مونتاجداۋ جۇمىستارى جۇرگىزىلگەن. الايدا، گاز جەلىسىن قوستىرۋعا تولەم جاساماۋىنا بايلانىستى تۇتىنۋشىعا جەلى قوسىلماعان. تۇتىنۋشىنىڭ جەلىنى ءوز بەتىنشە قوسقانى انىقتالدى.