بوكستان الەم چەمپيوناتىندا الۋا بالقىبەكوۆا توپ جاردى.
ءۇندىستاننىڭ نيۋ-دەلي قالاسىندا ءوتىپ جاتقان بوكستان ايەلدەر اراسىنداعى الەم چەمپيوناتىنىڭ شيرەك فينالىندا قازاقستاندىق الۋا بالقىبەكوۆا جەڭىسكە جەتتى، دەپ حابارلايدى اlmaty-akshamy.kz.
ول كۇندىزگى سەەسيادا 48 كەلى سالماقتا تۇركيالىق ەريۆان بارۋتپەن قولعاپ ءتۇيىستىردى.
ءبىرىنشى راۋندتا تورەشىلەر الۋانىڭ باسىمدىعىن ءبىراۋىزدان قولدادى. ال ەكىنشى راۋندتا تورەشىلەردىڭ ۇشەۋى وعان داۋىس بەرسە، ەكەۋى تۇركيالىق سپورتشىعا قولداۋ ءبىلدىردى.
ءۇشىنشى راۋندتا دا الۋا سەنىمدى ويىن كورسەتتى.
ناتيجەسىندە قازاقستاندىق بوكسشى قىز جارتىلاي فينالعا جولداما الدى. بۇل - كەم دەگەندە قولا جۇلدە قورجىنعا تۇسەدى دەگەن ءسوز.
الۋا بالقىبەكوۆا بۇدان بۇرىن ازيا چەمپيونى اتانعان. 2022 جىلى الەم چەمپيوناتىندا كۇمىس مەدال الدى.