تۇركىستان وبلىسىنىڭ تۇرعىندارى قىزىل كىتاپقا ەنگەن كەسىرتكەنى ۆيدەوعا ءتۇسىرىپ الدى

سۋدا دا جاقسى جۇزەدى

تۇركىستان وبلىسىنىڭ تۇرعىندارى قىزىل كىتاپقا ەنگەن الىپ كەسىرتكەنى ۆيدەوعا ءتۇسىرىپ الدى، دەپ حابارلايدى Almaty-akshamy.kz قازاقپاراتقا سىلتەمە جاساپ.

«سۇر كەسەل» اتتى قازاقستانداعى ەڭ ءىرى كەسىرتكە اۋىل ىشىنە كىرىپ كەتكەن. ونى ۆيدەوعا تۇسىرۋشىلەر اۋىل ماڭىندا مۇنان دا ۇلكەنى بار ەكەنىن ايتادى.

«بۇل كىشكەنتايى عوي. ار جاقتى مۇنان دا ۇلكەندەرى بار» - دەيدى كامەرا ۇستاپ تۇرعان جىگىت.

ال، تۇركىستان وبلىسى سىرداريا – تۇركىستان ءموتپ كىشى عىلىمي قىزمەتكەرى عاني نازاربەك بۇل كەسىرتكەنىڭ شاردارا مەن وتىرار اۋدانىندا كوپ كەزدەسەتىندىگىن جەتكىزدى.

«تۇركىستان وبلىسىنداعى سىرداريا وزەنىنىڭ سول جاعالاۋىندا مەكەندەيدى. نەگىزىنەن قۇمدى ءشول نەمەسە سازدى شولمەن شەكارالاس جەردى قونىستايدى. «سۇر كەسەل» جىلان، سارىشۇناق سەكىلدى جاندىكتەرمەن قورەكتەنەدى. سۋدا دا جاقسى جۇزەدى. قۇرلىقتا جاقسى جۇگىرەدى. ءبىر وكىنىشتىسى، كەي ەلدى مەكەندەردە تاسپەن اتقىلاپ ءولتىرىپ تاستاعان، كولىكپەن باسىپ كەتكەن جاعدايلار كوپ. ءبىز بۇل قىزىل كىتاپقا ەنگەن كەسىرتكەنى تۋريستىك ماقساتتا دا پايدالانساق بولادى. سەبەبى، ارنايى زەرتتەۋ ءۇشىن كەلەتىن شەتەلدىك عالىمدار كوپ. ولاردىڭ بۇل كەسىرتكەگە قىزىعۋشىلىعى جوعارى. ال، مۇنان ۇلكەندەرى تەك تايلاند جاقتا عانا كەزدەسەدى» - دەيدى ول.