جازدا موپەد جانە ەلەكتروساموكات جۇرگىزۋشىلەرىنىڭ جول ەرەجەلەرىن بۇزۋ وقيعالارى ارتقان
الماتىدا ءموبيلدى كولىك تۇرلەرىن پايدالاناتىن ادامداردىڭ جول ەرەجەلەرىن بۇزۋ دەرەكتەرىن انىقتاۋ جۇمىستارى كۇشەيتىلدى. بۇل تۋرالى الماتى قالالىق پوليسيا دەپارتامەنتىنىڭ جەرگىلىكتى پوليسيا قىزمەتى باسقارماسىنىڭ باستىعى ەرجان ۇزابايەۆ ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ماسەلەن، الماتىدا الدىن الۋ ءىس-شاراسىنىڭ ءبىر كۇنىندە موپەد جۇرگىزۋشىلەرى 114 رەت جول ەرەجەسىن بۇزعان. قۇقىق بۇزۋشىلار اقبتك-نىڭ 615-بابى 1-بولىگى بويىنشا اكىمشىلىك جاۋاپكەرشىلىككە تارتىلدى. ايىپپۇلدىڭ جالپى سوماسى 698 364 تەڭگەنى قۇرادى»، – دەدى ول.
سونداي-اق ول جاز مەزگىلىندە الماتىدا موپەد جانە ەلەكتروساموكات جۇرگىزۋشىلەرىنىڭ جول ەرەجەلەرىن بۇزۋ وقيعالارى ارتقانىن حابارلادى.
«ستاتيستيكالىق مالىمەتتەر بويىنشا الماتىدا ءموبيلدى كولىكتەردىڭ قاتىسۋىمەن جول اپاتتارىنىڭ سانى 4 ەسە وسكەن. بيىلعى جىلدىڭ 6 ايىندا موپەد جانە ەلەكتروساموكاتتاردىڭ قاتىسۋىمەن 77 جول اپاتى بولىپ، سالدارىنان 81 ادام جاراقات الىپ، بىرەۋى قايتىس بولدى. سونداي-اق، ساموكات پەن سكۋتەردە بالالاردىڭ قاتىسۋىمەن 21 جول اپاتى تىركەلىپ، ودان 23 بالا جاراقات الدى»، - دەدى ول.