تۇركىستان وبلىسىنىڭ اكىمى اۋىستى

مەملەكەت باسشىسىنىڭ جارلىعىمەن دارحان امانگەلدى ۇلى ساتىبالدى تۇركىستان وبلىسىنىڭ اكىمى بولىپ تاعايىندالدى.

دارحان ساتىبالدى تۇركىستان وبلىسىنىڭ جاڭا اكىمى لاۋازىمىنا تاعايىندالدى، دەپ حابارلايدى Almaty-akshamy.kz.

تۇركىستان وبلىستىق ءماسليحاتىنىڭ سەسسياسىنا قازاقستان رەسپۋبليكاسىنىڭ پرەمەر-مينيسترى ءاليحان سمايىلوۆ قاتىستى. سەسسيادا اكىم قىزمەتىنە قوس بىردەي كانديدات ۇسىنىلدى. ونىڭ ءبىرى - قازاقستان رەسپۋبليكاسىنىڭ وزبەكستان رەسپۋبليكاسىنداعى توتەنشە جانە وكىلەتتى ەلشىسى دارحان ساتىبالدى بولسا، ەكىنشىسى - سايرام اۋدانىنىڭ اكىمى ۇلاسبەك سادىبەكوۆ.

حالىق قالاۋلىلارىنىڭ باسىم بولىگى دارحان ساتىبالدىنىڭ كانديداتۋراسىن قولداپ داۋىس بەردى.

دارحان ساتىبالدى 1974 جىلى سارىاعاش اۋدانىندا تۋعان. س.سەيفۋللين اتىنداعى اقمولا اۋىلشارۋاشىلىق ينستيتۋتىن، قازاق گۋمانيتارلىق-زاڭ ۋنيۆەرسيتەتىن بىتىرگەن. ماماندىعى - ەكونوميست-مەنەدجەر، زاڭگەر.

ەڭبەك جولىندا ق ر پرەمەر-مينيسترى كەڭسەسى ءبولىم مەڭگەرۋشىسىنىڭ ورىنباسارى، شىمكەنت قالاسىنىڭ اكىمى، وڭتۇستىك قازاقستان وبلىسى اكىمىنىڭ ءبىرىنشى ورىنباسارى بولىپ ەڭبەك ەتتى. شىمكەنت قالاسىنان سەنات دەرپۋتاتى بولىپ سايلانعان. سوڭعى جىلدارى قازاقستان رەسپۋبليكاسىنىڭ وزبەكستان رەسپۋبليكاسىنداعى توتەنشە جانە وكىلەتتى ەلشىسى قىزمەتىن اتقاردى.

«قۇرمەت» وردەنىمەن جانە «ەرەن ەڭبەگى ءۇشىن» مەدالىمەن ماراپاتتالعان.

ايتا كەتەيىك، ءومىرزاق شوكەيەۆ 2019 جىلدىڭ 26 اقپانىنان بۇگىنگە دەيىن تۇركىستان وبلىسىنىڭ اكىمى قىزمەتىن اتقارىپ كەلدى. ال، بيىلعى جىلدىڭ 24 تامىزىندا وتستاۆكاعا ءوتىنىش بەردى. وعان باستى سەبەپ، 23 اقپاندا كەنتاۋ قالاسىنىڭ اكىمى اسا ءىرى كولەمدە پارا الدى دەگەن كۇدىككە ءىلىنىپ، 10 جىلعا سوتتالۋى بولدى.

مەملەكەت باسشىسىنىڭ جارلىعىمەن ءومىرزاق ەستاي ۇلى شوكەيەۆ تۇركىستان وبلىسىنىڭ اكىمى لاۋازىمىنان بوساتىلدى.