اتالعان جايتقا بايلانىستى مەكتەپ ديرەكتورى مەن 6 پەداگوگكە تارتىپتىك جازا تاعايىندالدى
تۇركىستان وبلىسىندا تەست جاۋاپتارىن تەلەفون ارقىلى تاراتقان مۇعالىمدەرگە تارتىپتىك جازا قولدانىلدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
كەشە ورداباسى اۋدانىنداعى «توقسانساي» جالپى ورتا مەكتەبىندە مەملەكەتتىك اتتەستاتتاۋ وتكەن. ونىڭ بارىسىندا ۇستازدار زاڭ بۇزۋشىلىققا جول بەرگەن. اتاپ ايتقاندا، تۇركىستان وبلىسىنىڭ ءبىلىم سالاسىنداعى ساپانى قامتاماسىز ەتۋ دەپارتامەنتىنىڭ قىزمەتكەرلەرى تەستىلەۋ بارىسىندا ەكى وقۋشىنىڭ جاسىرىن تۇردە تەلەفون پايدالانىپ وتىرعانىن انىقتاعان. تەلەفونداردى اشىپ قاراۋ كەزىندە پەداگوگتەردىڭ دايىن جاۋاپتى سۋرەتكە ءتۇسىرىپ، وقۋشىلارعا جىبەرىپ وتىرعانى بەلگىلى بولدى.
«اتالعان جايتقا بايلانىستى مەكتەپتىڭ ديرەكتورى مەن 6 پەداگوگ تارتىپتىك جازاعا تارتىلدى. مۇنىڭ الدىندا «توقسانساي» جالپى ورتا مەكتەبى ءساۋىر ايىندا وتكىزىلگەن مەملەكەتتىك اتتەستاتتاۋدىڭ ناتيجەسى بويىنشا 40 پايىزدان تومەن كورسەتكىش كورسەتىپ، اتتەستاتتالماعان بولاتىن»، - دەدى تۇركىستان وبلىسىنىڭ ءبىلىم سالاسىنداعى ساپانى قامتاماسىز ەتۋ دەپارتامەنتىنىڭ باسشىسى عالىمجان الماتوۆ.