7 بالانىڭ جاعدايى تۇراقتى
الماتى وبلىسىندا 10 وقۋشى استان ۋلانىپ اۋرۋحاناعا ءتۇستى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«19 مامىر كۇنى ساعات 16:00-دە ەڭبەكشىقازاق اۋدانارالىق كوپسالالى اۋرۋحاناسىنا 10 وقۋشى استان ۋلانىپ ءتۇستى.
ولار - بايتەرەك اۋىلىنداعى مەكتەپتىڭ 5ء-شى سىنىپ وقۋشىلارى. بالالارعا بارلىق مەديسينالىق كومەك كورسەتىلىپ، تەكسەرۋدەن ءوتتى.
7 بالانىڭ جاعدايى تۇراقتى، ولار امبۋلاتوريالىق ەم قابىلداۋعا جىبەرىلدى. ال قالعان 3 وقۋشى ينفەكسيالىق بولىمشەگە جاتقىزىلدى. جاعدايلارى ورتاشا اۋىر، تۇراقتى»، - دەدى الماتى وبلىستىق دەنساۋلىق ساقتاۋ باسقارماسى باسپا ءسوز قىزمەتىنىڭ وكىلى ءلايلىم اۋباكىروۆا.