تۇركىستان وبلىسىندا زاڭسىز ارەكەتتەر جاساعان سوتتالۋشىلار جازالاندى، - دەپ حابارلايدى aqshamnews.kz ءتىلشىسى.
تۇركىستان وبلىسى پروكۋراتۋراسىنىڭ سوتالدى تەرگەپ-تەكسەرۋ باسقارماسىنىڭ ارنايى پروكۋرورلارى قىلمىستىق-اتقارۋ جۇيەسى مەكەمەسى اكىمشىلىگىنىڭ تالاپتارىنا جاپپاي باعىنباۋ دەرەگى بويىنشا قىلمىستىق ءىستى سوتقا جولدادى.
تەرگەۋ بارىسىندا انىقتالعانى، قىلمىستىق-اتقارۋ جۇيەسىنىڭ №55 مەكەمەسىندە قاتاڭ ۇستاۋ جاساعىندا اۋىر جانە اسا اۋىر قىلمىستارى ءۇشىن جازاسىن وتەپ جاتقان التى سوتتالۋشى الدىن الا ءسوز بايلاسۋ ارقىلى مەكەمە اكىمشىلىگىنەن زاڭمەن تىيىم سالىنعان - تۇندە تەلەديدار كورۋ، سەرۋەندەۋگە شىعۋ، ءوز بەتىنشە تاماق دايىنداۋ، بەلگىلەنگەن كيىم ۇلگىسىن كيمەۋگە جانە زاڭنامادا تىيىم سالىنعان وزگە دە جەڭىلدىكتەر بەرۋدى تالاپ ەتكەن.
زاڭسىز ارەكەتتەرىن ازىرلەۋ ماقساتىندا وزدەرىنە جاراقاتتار سالعان.
سوت سوتتالۋشىلاردىڭ ءارقايسىسىنا 5 جىلدان 10 جىلعا دەيىن باس بوستاندىعىنان ايىرۋ جازاسىن جانە ونى بۇرىنعىدان دا قاتاڭ جاعدايدا وتەۋ تۋرالى ۇكىم شىعاردى.
تۇركىستان وبلىسىندا تالاپقا باعىنباعان سوتتالۋشىلار جازالاندى
- 17:28، 10 جەلتوقسان 2025
سۋرەت: freepik.com