تۇركىستان وبلىسىندا جوعالعان ستۋدەنت قىز الماتىدان تابىلدى

ەكى كۇن ىزدەۋدە بولعان قىز ءدىن امان تابىلدى

تۇركىستان وبلىسىندا جوعالعان ءجاسوسپىرىم قىز الماتىدان تابىلدى، دەپ حابارلايدى Almaty-akshamy.kz Polisia.kz-كە سىلتەمە جاساپ.

تولەبي اۋداندىق پوليسيا بولىمىنە جەرگىلىكتى تۇرعىن ارىزدانىپ، ستۋدەنت قىزىنىڭ جوعالعانى تۋرالى حابارلادى.

ايەلدىڭ ايتۋىنشا، ونىڭ 17 جاستاعى قىزى تۇسكى ساعات 15:55 شاماسىندا وقۋ ورنىنان بەلگىسىز باعىتقا شىعىپ كەتىپ، ۇيىنە قايتا ورالماعان. جاقىندارى وزدەرى ءۇش كۇن بويى ىزدەستىرىپ، تابا الماعان.

ءتارتىپ ساقشىلارى ۋاقىت وتكىزبەستەن، بىردەن ىزدەۋ شارالارىن باستاپ كەتتى. شۇعىل قىزدىڭ بارۋى مۇمكىن جەرلەر تەكسەرىلدى. ءجاسوسپىرىمنىڭ قۇربىلارى مەن تۋىستارىنان جاۋاپ الىندى. پوليسەيلەر جيناقتالعان اقپارات كوزدەرى ارقىلى قىزدىڭ الماتى قالاسىنداعى تۋىسىنىڭ ۇيىندە جۇرگەنىن انىقتادى. وسىلايشا ەكى كۇن بويى ءۇزىلىسسىز جۇرگىزىلگەن جەدەل ىزدەستىرۋ شارالارى وڭ ناتيجە بەرىپ، جوعالعان قىز الماتى قالاسىنان تابىلىپ، وتباسىنا قايتارىلدى.

بەلگىلى بولعانداي، ءجاسوسپىرىم مەن اناسىنىڭ اراسىندا تۇسىنبەۋشىلىك ورىن الىپ، سالدارىنان قىزى ۇيىنەن كەتۋدى ويلاعان. سودان ەشكىمگە ايتپاستان، شىمكەنت قالاسىنداعى تۋىسىنىڭ ۇيىنە بارىپ، ودان ارى الماتىعا كەتىپ قالعان.

مۇندا تۋىسىنا ۇيىندە ەكەنىن ەشكىمگە ايتپاۋدى وتىنگەن. الايدا قىراعى پوليسەيلەر قىزدىڭ جۇرگەن جەرىن دەرەۋ انىقتاپ، ونى امان-ەسەن قالپىندا تاپتى. قازىرگى تاڭدا قىزبەن پسيحولوگ سويلەسىپ، تۇسىندىرمە جۇمىستارىن جۇرگىزۋدە. اتا-اناسىمەن دە پروفيلاكتيكالىق شارالار اتقارىلۋدا.