تۇمان مەن كوكتايعاق جول قوزعالىسىن قيىنداتتى
الماتى پوليسياسى كوكتايعاققا بايلانىستى قالا تۇرعىندارىن ساق بولۋعا شاقىردى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«تاڭعى ساعات التىدان بەرى مەگاپوليستىڭ جوعارعى بولىگىندە 25-تەن استام جول-كولىك وقيعاسى بولدى. ونىڭ 10-دا زارداپ شەككەندەر بار. جاۋىن-شاشىن مەن كوكتايعاق قالاداعى كولىك قوزعالىسىن ايتارلىقتاي قيىنداتاتىنى انىق. كەپتەلىس پايدا بولىپ، كولىكتەردىڭ وتكىزۋ قابىلەتى ناشارلادى»، - دەيدى الماتى قالالىق پوليسيا دەپارتامەنتى جەرگىلىكتى پوليسيا قىزمەتىنىڭ باستىعى، پوليسيا پولكوۆنيگى ماناپ ساتتاروۆ.
سونداي-اق ونىڭ ايتۋىنشا، جول كولىك وقيعالارى كوبىنە جول قوزعالىسىنا قاتىسۋشىلاردىڭ ءتارتىپ ساقتاماۋىنان بولادى.
«كەي جۇرگىزۋشىلەر جىلدامدىقتى باسەڭدەتپەيدى، توتەنشە جاعداي تۋعىزادى، ءقاۋىپتى مانيەۆر جاسايدى، ءبىر-بىرىن سىيلامايدى، جاياۋ جۇرگىنشىلەر جولدى رۇقسات ەتىلمەگەن جەردەن كەسىپ وتەدى. وسى فاكتورلار جول قوزعالىسىنا جالپى كەرى اسەر ەتىپ وتىر»، - دەدى ماناپ ساتتاروۆ.
سول سەبەپتى الماتى پوليسەيلەرى جولدىڭ قاتەلىكتى كەشىرمەيتىنىن ەسكە سالدى.