تۇركىستان وبلىسىنىڭ پروكۋراتۋراسى جەتىساي اۋدانى اتامەكەن اۋىلى اكىمدىگى مەن جۇمىسپەن قامتۋ ورتالىعىندا 24 ملن تەڭگەدەن استام جىمقىرۋ سحەماسىن انىقتادى، دەپ حابارلايدى almaty-akshamy.kz تۇركىستان وبلىسىنىڭ پروكۋراتۋراسىنا سىلتەمە جاساپ.
جەرگىلىكتى اتقارۋشى ورگانداردىڭ قىزمەتكەرلەرى ادامداردى قوعامدىق، ونىڭ ىشىندە جاستار پراكتيكاسى شەڭبەرىندە جۇمىستارعا جالعان تارتىپ وتىرعان.
جۇمىسسىز مارتەبەسىن العان 30-دان استام ادام ءىس جۇزىندە قانداي دا ءبىر قوعامدىق جۇمىستاردى ورىنداماعان جانە بۇل تۋرالى بىلمەگەن.
لاۋازىمدى تۇلعالار جۇمىسقا قابىلداۋ تۋرالى بۇيرىقتاردى زاڭسىز شىعارعان جانە اي سايىنعى جالاقىلارىن "قازپوشتا" اق مەن بانكتەردەگى شوتتارىنا اۋدارىپ، كەيىننەن باسقا تۇلعالارمەن قولما-قول اقشاعا اينالدىرعان.
ورتالىق پەن اكىمدىك قىزمەتكەرلەرى وزدەرىنىڭ تۋىستارى مەن تانىستارىن قۇجات راسىمدەۋ ارقىلى قوعامدىق جۇمىستارعا تارتقان.
وبلىس پروكۋراتۋراسى ماتەريالداردى اقپاراتتى ەسەپكە الۋ كىتابىندا تىركەدى جانە سوتقا دەيىنگى تەرگەپ-تەكسەرۋدى جۇزەگە اسىرۋ ءۇشىن اۋماقتىق سىبايلاس جەمقورلىققا قارسى قىزمەتىنە تاپسىردى.