سەمەيدە پوليسەيلەر ماس كۇيدە جۇك كولىگىن تىزگىندەگەن جۇرگىزۋشىنى ۇستادى، دەپ حابارلايدى Aqshamnews.kz ءتىلشىسى Polisia.kz-كە سىلتەمە جاساپ.
قالاعا كىرەبەرىستە "ءقاۋىپسىز جول" جەدەل-پروفيلاكتيكالىق ءىس-شاراسى اياسىندا توقتاتىلعان جۇرگىزۋشىنىڭ اياعىنان ارەڭ تۇرعانى بەينەتىركەگىشكە ءتۇسىپ قالعان. ول مەديسينالىق كۋالاندىرۋدان ءوتىپ، ءىس ماتەريالدارى سوتقا جىبەرىلدى.
پوليسيا مالىمەتىنشە، ەر ادامعا 15 تاۋلىككە قاماۋ جانە جۇرگىزۋشى كۋالىگىنەن ايىرۋ جازاسى قولدانىلۋى مۇمكىن. جۇك كولىگى ايىپتۇراققا قويىلدى.
اباي وبلىسى پوليسيا دەپارتامەنتى قالادا اينالما جولدىڭ جوقتىعى وتكىر ماسەلە بولىپ تۇرعانىن اتاپ ءوتتى. سەمەي ارقىلى وتۋگە ءماجبۇر اۋىر جۇك كولىكتەرى جول قوزعالىسى قاۋىپسىزدىگىنە ءقاۋىپ ءتوندىرىپ، اسىرەسە جاياۋ جۇرگىنشىلەر كوپ جينالاتىن اۋماقتاردا اپاتتاردىڭ ءجيى بولۋىنا سەبەپ بولىپ وتىر.
دەگەنمەن، دەپارتامەنتتىڭ مالىمەتىنشە، جول-كولىك وقيعالارىنىڭ سانى ازايىپ كەلەدى.
-
2025 جىلدىڭ العاشقى سەگىز ايىندا وڭىردە 676 جول اپاتى تىركەلىپ، 1038 ادام جاراقات الدى.
-
بۇل 2024 جىلدىڭ سايكەس كەزەڭىمەن سالىستىرعاندا: اپاتتار — 13،8%-عا، جاراقاتتار — 5،4%-عا از.
-
2024 جىلى وسى مەرزىمدە 784 اپات، 57 ادام ءولىمى جانە 1097 جاراقات بولعان.