20-21 قىركۇيەك كۇندەرى ساعات 10:00-دەن 20:00-گە دەيىن اربات ۇلكەن كىتاپ مەرەكەسىنە اينالادى. مۇندا جىل سايىنعى KitapFest فەستيۆالى ءوتىپ، قالاداعى باستى ادەبي ءىس-شارا، وندا ونداعان باسپا، تانىمال اۆتورلار جانە مىڭداعان وقىرمان باس قوسادى.
جارمەڭكەدە الپىسقا جۋىق باسپا مەن كىتاپ دۇكەندەرى جاڭا كىتاپتار ۇسىنادى. ارنايى جەڭىلدىكتەر دە قاراستىرىلعان. قوناقتار وزىنە قاجەتتى كىتاپ الىپ قانا قويماي، سۇيىكتى جازۋشىلارىمەن تىلدەسە الادى.
فەستيۆال قوناقتارى ءۇشىن ارنايى زاماناۋي ايماقتار دايىندالادى. TrendZone الاڭىندا TikTok، Instagram جانە YouTube ستيلىندەگى ترەندتىك ويىن-ساۋىقتار وتسە، Estelik Zone ايماعىندا «ەرتوستىك»، «عاجايىپتار ەلىندەگى اليسا»، «ديۋنا»، «كاريب تەڭىزىنىڭ قاراقشىلارى» جانە باسقا دا اتاقتى شىعارمانىڭ جەلىسىندە جاسالعان دەكوراسيا اراسىندا سۋرەتكە تۇسۋگە بولادى.
بالالار ءۇشىن «مۇزدى ولكە»، «قىزىل تەلپەك»، قازاق ەرتەگىسى «قوشقار مەن تەكە: جوعالعان قازىنا» جانە «شوكولاد فابريكاسىنىڭ قۇپيالارى» جەلىسى بويىنشا قىزىقتى كۆەستتەر دايىندالعان.
فەستيۆال ەمىن-ەركىن اڭگىمە، وتباسىلىق شىعارماشىلىق پەن جاڭا تانىستىق الاڭىنا اينالادى. بارلىق ءىس-شاراعا كىرۋ تەگىن.