كەزەكتى ترەدس توپتاماسىندا نە بار؟ وسى اپتادا جۇرت جەلىدە نەنى ترەندكە اينالدىردى؟ اqshamnews.kz ءتىلشىسى جيناقتادى.
"قايرات"-"اقتوبە" ماچىنىڭ جۇلدىزى
الەۋمەتتىك جەلىدە "قايرات" - "اقتوبە" ماچىنا سارى-قارا دەنە ىسقىشپەن (موچالكا) بارىپ، قولداۋ بىلدىرگەن جانكۇيەردىڭ سۋرەتى تارادى. قولداۋشىنىڭ يدەياسى جۇرتتى كۇلكىگە قارىق قىلىپ، لەزدە جۇرت اراسىندا تاراپ كەتتى. "جەلىنى جارعان" جانكۇيەردىڭ ارەكەتى ترەدستە ءبىراز تالقىعا ءتۇستى. جۇرتتىڭ نازارىنا اۋدارعان ءجاسوسپىرىمنىڭ كىم ەكەنى جايلى بۇعان دەيىن تولىعىراق جازعان بولاتىنبىز.
كەيىن ترەدستە ەرنيازعا ("قايرات" جانكۇيەرى - ەسك.) ناعىز مويىنوراعىش سىيلانعانى بەلگىلى بولدى. بۇل تارماققا ەرنياز ءۇشىن قۋانعان جۇرتتىڭ قاراسى كوپ بولدى.
"سەبەپ-سىز": ترەدستەن تاراعان ترەند جەلىنى قالاي جاۋلادى؟
جاقىندا جۋرناليست ايان قالمۇرات گۇل دۇكەنىنىڭ اتاۋىنا ەرەكشە ۇسىنىس تاستاپ، Threads جەلىسىندە جاريالاعان ەدى. الەۋمەتتىك جەلى قولدانۋشىلارىنا بۇل وي ۇناپ، جازبا لەزدە تاراپ كەتتى. Aqshamnews.kz ءتىلشىسى ترەندكە اينالعان يدەيا اۆتورىمەن سۇحباتتاستى.
ايان مىرزانىڭ جازباسىنان كەيىن جاڭا ترەند تارادى. گۇل ساتاتىن دۇكەندەردىڭ ماركەتينگىنىڭ وڭ جامباسىنا ءتۇستى. كوپشىلىك تۇرلىشە ازىلدەپ تە ۇلگەردى.
ەڭ مەيىرىمدى ترەدس
ال بۇل جازبانى كورمەگەن جان جوق شىعار. قىرعىزستاندا بولعان وقيعا جۇرتتىڭ نازارىن اۋداردى. جاڭبىرلى كۇنى بەيتانىس قىزعا قولشاتىر ۇسىنىس، دجەنتلمەندىك تانىتقان جىگىتتىڭ ارەكەتى جۇرتتى ءسۇيسىندىردى. ترەدستە ونىڭ بۇل شەشىمىن تالقىعا سالىپ، مەيىرىمدىلىگىنە ريزا بولىپ جاتقاندار كوپ.
جازبا ترەدستە 2 ميلليوننان استام قارالىم، 120 مىڭنان استام لايك جيناعان. كوپشىلىك ونىڭ ارەكەتىنە:
"ناعىز ەر-ازاماتتار ءالى دە بار ەكەن"، "مىنە ناعىز جىگىتتىك!"، "وسىنداي ارەكەتتەر ەركەكتىڭ ناعىز كۇشى ونىڭ سوزىندە ەمەس، ىسىندە ەكەنىن تاعى ءبىر مارتە دالەلدەيدى" دەپ پىكىر جاۋدىرىپ جاتىر.
اqshamnews.kz رەداكسياسى جەلى جۇلدىزىنا اينالعان قىرعىزستاندىق جىگىتتىڭ كىم ەكەنىن تاۋىپ، ونىڭ بۇل ارەكەتى جايلى سۇحباتتاسقان بولاتىن. ول سول ساتتە تەك جاقسىلىق جاساۋدى ويلاعانىن جانە ءبارى قالاي بولعانىن ايتىپ بەردى.
