تۇركىستان وبلىسىندا 278 دەپۋتات سەنات سايلاۋىنا قاتىسىپ، 2 كانديداتقا داۋىس بەرۋدە، دەپ حابارلايدى اlmaty-akshamy.kz قازاقپاراتقا سىلتەمە جاساپ.
پارلامەنت سەناتىنىڭ سايلاۋى تۇركىستان قالاسىنداعى كونگرەسس حول عيماراتىندا ءوتىپ جاتىر. جالپى، سايلاۋعا قاتىسقان 278 ءماسليحات دەپۋتاتتارى ءوز تاڭداۋلارىن جاساۋدا. ال، 39 دەپۋتات بەلگىلى سەبەپتەرگە بايلانىستى قاتىسا المادى.
سايلاۋ بيۋللەتەنىنە ەكى كانديداتتىڭ ەسىمى ەنگىزىلدى. ولاردىڭ ءبىرى جەتىساي اۋدانىنىڭ اكىمى بولسا، ەكىنشىسى ورداباسى اۋدانى اكىمدىگىنىڭ اپپارات باسشىسى قىزمەتىن اتقارعان.
«باستاپقىدا التى ۇمىتكەر ءوز كانديداتۋراسىن ۇسىنعان بولاتىن. كەيىن ءۇش ۇمىتكەر قۇجاتتارىن كەرى قايتارىپ الدى. ال، تاعى ءبىر كانديتاتتىڭ مۇلىك سالىعى جونىندەگى دەكلاراسياسىن تەكسەرۋ كەزىندە شيكىلىك شىققانى ءۇشىن تىركەۋدەن الىنىپ قالدى»، - دەدى وبلىستىق اۋماقتىق سايلاۋ كوميسسياسى ءتوراعاسىنىڭ ورىنباسارى ءامىردين الىشيەۆ.