قوستاناي قالاسىندا جاستار سارايىندا قازاقستان رەسپۋبليكاسى پارلامەنتى سەناتى دەپۋتاتتارىن سايلاۋ ءوتىپ جاتىر، دەپ حابارلايدى اlmaty-akshamy.kz قازاقپاراتقا سىلتەمە جاساپ.
تاڭعى 10:00-دەن باستاپ قوستاناي وبلىسىنىڭ اۋداندارى مەن قالالارىندا سايلاۋشىلارىن تىركەۋ جۇرگىزىلۋدە. جالپى زالعا كىرەبەرىستە كانديداتتار تۋرالى اقپارات بار ستەند ورناتىلعان.
باستاپقىدا وبلىستان بەس ءوتىنىش بەرىلگەن، ءبىراق ەكى كانديدات وسك-دا تىركەۋدەن وتپەگەن. بۇگىنگە دەيىن قوستاناي وبلىسىنان سەناتورلىققا ءۇش ۇمىتكەر ۇسىنىلدى.
«قۇرمەتتى بارلىق دەڭگەيدەگى ءماسليحات دەپۋتاتتارى. تاڭداۋشىلاردىڭ بىرلەسكەن وتىرىسىنىڭ كۇن تارتىبىندە ءبىر ماسەلە – قوستاناي وبلىسىنان قازاقستان رەسپۋبليكاسى پارلامەنتى سەناتىنىڭ دەپۋتاتىن سايلاۋ بار. بىرلەسكەن وتىرىسقا 255 دەپۋتات قاتىسىپ وتىر، قالعان 8 دەپۋتات دالەلدى سەبەپپەن قاتىسا المادى»، - دەدى جيىندى اشقان قوستاناي وبلىستىق ءماسليحاتىنىڭ حاتشىسى سايلاۋبەك ەششانوۆ.