تۇركىستان وبلىسىندا دارىگەرلەر 1 جاسار بالانىڭ قولىن بىلەگىنە دەيىن كەسىپ الىپ تاستاۋعا ءماجبۇر بولدى. ابايسىزدا وڭ قولىن ەتتارتقىشقا سالىپ العان بالا ەسىنەن تانىپ قالعان. دارىگەرلەر بالانىڭ قازىرگى جاعدايى ورتاشا، ءبىرقالىپتى اۋىر دەيدى، - دەپ حابارلايدى اqshamnews.kz ءتىلشىسى Otyrar.kz-كە سىلتەمە جاساپ.
تۇركىستان وبلىسى تولە بي اۋدانى كوكسايەك اۋىلىندا ءبىر جاسار ويىن بالاسىنىڭ وڭ قولى ەتتارتقىشقا ءتۇسىپ، شايناپ كەتكەن. دارىگەرلەر ونىڭ ءبىر ولىمنەن امان قالعانىن ايتادى. وقيعا 7 قىركۇيەكتە بولعان. ەس-تۇسسىز، كوپ قان جوعالتقان بالانى وبلىستىق بالالار اۋرۋحاناسىنا تۇسكە جاقىن جەدەل جاردەممەن اتا-اناسى جەتكىزگەن.
"ۇيىندە اتا-اناسى بانكى جاۋىپ جاتقان كەزدە بالا قولىن ەتتارتقىشقا تىعىپ الىپ، شايناپ كەتكەن. تولىق كولەمدە. كۇندىزگى كەزەكشىلىكتە الىپ كەلدى. ءبىز جەدەل تۇردە جانساقتاۋ بولىمىنە جاتقىزىپ، ول جەردە جەدەل تۇردە وتا جاساپ، بالاعا كومەك كورسەتتىك. قولىن تومەنگى بىلەك دەيدى، سول جەرگە دەيىن شايناپ كەتكەن. ساۋساقتارى مەن الاقان سۇيەكتەرىنىڭ بارلىعىن مايدالاپ شايناپ تاستاعان. قولىن ساقتاپ قالۋعا مۇمكىندىك بولمادى. قولى جاڭاعى ەتتارتقىشتا مايدالاپ، تەرمەن عانا ءىلىنىپ تۇردى"، - دەيدى دارىگەر-تراۆماتولوگ ەرجان ءشارىپوۆ.
دارىگەرلەردىڭ ايتۋىنشا، بالا جانساقتاۋ بولىمىنەن شىعارىلعانىمەن جاعدايى قالىپتى ورتاشا اۋىر. وتا كەزىندە بالانىڭ وڭ قولىن بىلەگىنە دەيىن كەسىپ الىپ تاستاۋعا ءماجبۇر بولعان. دارىگەرلەرگە توتەنشەلىكتەر كومەكتەسكەن. اۋەلى ماماندار بالانىڭ قولىن ەتتارتقىشتان شىعارىپ العان.
"توتەنشە جاعدايلار دەپارتامەنتى قىزمەتكەرلەرى وبلىستىق بالالار كلينيكالىق اۋرۋحاناسىندا بالانىڭ قولىن ەتتارتقىشتان بوساتۋ بويىنشا بىرەگەي وپەراسيا جۇرگىزدى. 112 نومىرىنە ءبىر جارىم جاسار بالانىڭ قولىن ەلەكتر ەتتارتقىشقا سۇعىپ العانى تۋرالى حابارلاما كەلىپ تۇسكەن. دارىگەرلەر بالانى ءوز كۇشتەرىمەن بوساتا الماعان سوڭ، قۇتقارۋشىلاردىڭ كومەگىنە جۇگىنۋگە ءماجبۇر بولدى. وپەراسيا دارىگەرلەرمەن بىرلەسىپ جۇرگىزىلدى. بالاعا ناركوز بەرىلگەننەن كەيىن قۇتقارۋشىلار اپاتتىق-قۇتقارۋ قۇرالىن پايدالانىپ، ەتتارتقىشتىڭ كورپۋسىن مۇقيات كەسىپ، ونىڭ قولىن بوساتتى"، - دەدى شىمكەنت قالالىق توتەنشە جاعدايلار دەپارتامەنتىنىڭ باسپا ءسوز قىزمەتى وكىلدەرى.
ءقازىر بالا ەسىن بىلەدى، سويلەي الادى. وعان اتا-اناسى قاراپ جاتىر. بالاسىنىڭ جاعدايىنان ەسەڭگىرەپ قالعان اتا-انا وقيعا تۋرالى قانداي دا ءبىر پىكىر بەرۋدەن باس تارتتى. قۇتقارۋشىلار مەن دارىگەرلەر اتا-انالارعا بارىنشا مۇقيات ءارى ساق بولۋعا، بالانى جالعىز قاراۋسىز قالدىرماۋعا شاقىرادى.