قازاقستاندا ستوماتولوگيالىق قىزمەتتەرگە زەينەتاقى جيناعى ارقىلى تولەۋ ءۇشىن ءوتىنىم قابىلداۋ توقتاتىلادى. شەكتەۋ 15 قىركۇيەكتەن باستاپ كۇشىنە ەنەدى، - دەپ حابارلايدى اqshamnews.kz.
"15 قىركۇيەكەن باستاپ enpf-otbasy.kz پلاتفورماسىندا ءتىس ەمدەۋگە زەينەتاقى جيناعىنان ارتىلعان قاراجاتتى پايدالانۋ تۋرالى ءوتىنىم قابىلدانبايدى. بۇل كۇنگە دەيىن بەرىلگەن وتىنىشتەر ادەتتەگى تارتىپپەن قارالادى"، – دەلىنگەن "وتباسى بانكىنىڭ" حابارلاماسىندا.
بانك مالىمەتىنشە، زەينەتاقى جيناعىن ستوماتولوگيالىق قىزمەتتەرگە پايدالانۋ جونىندەگى وتىنىمدەردى قابىلداۋ قاشان قايتا باستالاتىنى تۋرالى اقپارات قوسىمشا جاريالانادى.
ەسكە سالايىق، بۇعان دەيىن قارجى مونيتورينگى اگەنتتىگىنىڭ ءتوراعاسى جانات ەليمانوۆ پرەزيدەنت قاسىم-جومارت توقايەۆقا زەينەتاقى جيناقتارىن زاڭسىز قولما-قول اقشاعا اينالدىرۋ دەرەكتەرى تۋرالى بايانداعان ەدى. قما ستوماتولوگيالىق قىزمەتتەر جەلەۋىمەن 200 ميلليارد تەڭگەنىڭ نەگىزسىز ەنپف-تەن الىنعانىن انىقتادى. قاراجات جالعان سحەمالار ارقىلى شىعارىلعان، وعان جەكە كلينيكالار تارتىلعان.