"حالىق قاتىساتىن بيۋدجەت": الماتىنىڭ تۇركسىب اۋدانىندا جاڭا دەمالىس ايماعى پايدا بولدى

جاڭا قوعامدىق كەڭىستىك جاس قانات شاعىناۋدانىندا "حالىق قاتىساتىن بيۋدجەت" باعدارلاماسى اياسىندا اباتتاندىرىلدى. 

جوبا اياسىندا جول-اسفالت جابىنى توسەلدى، اۋماق كوگالداندىرىلدى، جارىق باعانالارى، ساندىك پىشىندەر، ورىندىقتار، قوقىس جاشىكتەرى قويىلدى. 

سونىمەن قاتار جاڭا ايالداما كەشەنى جاسالدى، قاۋىپسىزدىك ماقساتىندا دەمالىس ايماعىنىڭ اينالاسىنا بەينەكامەرالار ورناتىلدى.

ايتا كەتەيىك، بيىل تۇركسىب اۋدانىندا "حالىق قاتىساتىن بيۋدجەت" باعدارلاماسى بويىنشا 32 جوبا جۇزەگە اسىرىلدى. 

ەسكە سالساق، بۇگىندە الماتىداعى اۋدانداردىڭ اۋماعىن اباتتاندىرۋ جانە دامىتۋ بويىنشا ءوتىنىم قابىلدانىپ جاتىر، ول 30 قىركۇيەككە دەيىن جالعاسادى. ساراپتامالىق كەڭەستەردىڭ باعالاۋىنان وتكەن جانە كوپ داۋىس جيناعان جوبالاردى اۋدان اكىمدىكتەرى 2026 جىلى جۇزەگە اسىرادى.

قالا تۇرعىندارى ۇسىنىستارىن budget.open-almaty.kz. ينتەرنەت-پورتالى ارقىلى جىبەرە الادى. تۇسكەن وتىنىمدەردە جوبالىق ۇسىنىستىڭ اتاۋى مەن سيپاتتاماسى، ورنالاسقان جەردىڭ مەكەنجايى، بولجامدى فوتوسۋرەتى نەمەسە ەسكيزى جانە سمەتاسى كورسەتىلۋگە ءتيىس. 

"حالىق قاتىساتىن بيۋدجەت" جونىندەگى كەڭەستى نەمەسە قاجەتتى اقپاراتتى الماتىنىڭ اۋدان اكىمدىكتەرىنەن، سونداي-اق الماتى قالاسى اكىمدىگىنىڭ Open Almaty قوعامدىق قابىلداۋىنان 224 39 29 (ىشكى 203) تەلەفونى ارقىلى الۋعا بولادى.