تۇركىستان وبلىسىنىڭ سوزاق اۋدانىنا شۋ وزەنى ارقىلى 1 ملرد تەكشە مەتر سۋ جىبەرىلدى.
سۋ رەسۋرستارى جانە يرريگاسيا مينيسترلىگى سۋارۋ ماۋسىمىنا دايىندىقتى قامتاماسىز ەتۋ جۇمىسىن جالعاستىرۋدا، دەپ حابارلايدى Almaty-akshamy.kz
شاردارا سۋ قويماسىنا 4،8 ملرد تەكشە مەتر سۋ جينالدى. وسىعان دەيىن وزبەكستانمەن «دوستىق» كانالى ارقىلى 922 ملن تەكشە مەتر سۋ الۋ تۋرالى ۋاعدالاستىققا قول جەتكىزىلگەن بولاتىن.
«تۇركىستان وبلىسى بويىنشا «قازسۋشار» فيليالى جوندەۋ جانە قۇرىلىس جۇمىستارىن بەلسەندى جۇرگىزىپ جاتىر. مىسالى، شاردارا اۋدانىندا 302 تىك درەناجدى ۇڭعىما جوندەلىپ جاتىر. سونداي – اق، كاسىپورىننىڭ قاراماعىنداعى 600 شاقىرىمنان استام كانال تازارتىلدى»، - دەدى سۋ رەسۋرستارى جانە يرريگاسيا مينيسترلىگىنىڭ رەسمي وكىلى ءمولدىر ابدۋالييەۆا.