23 مامىردا قتج-دا وتكەن بريفينگتە "جولاۋشىلار تاسىمالى" اق باسقارماسىنىڭ ءتوراعاسى جانىبەك تايجانوۆ قىتايعا تىكەلەي باعىتتاردىڭ قاشان پايدا بولۋى مۇمكىن ەكەنىن ايتتى، دەپ حابارلايدى اlmaty-akshamy.kz.
سپيكەردىڭ ايتۋىنشا، بۇل ماسەلە زەرتتەلۋدە.
"جىلدىڭ باسىندا قىتايمەن حابارلاستىق. ازىرگە جاۋاپ جوق. بولۋى مۇمكىن دەيدى. ءقازىر قىتايدىڭ تۋريستىك اگەنتتىگى بىزگە كەلىپ، سيان-الماتى پويىزىن ۇيىمداستىرعىسى كەلەدى. شامامەن ماۋسىم ايىنا جوسپارلاپ وتىر. بۇل ولاردىڭ كوندۋكتورلارى مەن كليەنتتەرى بار پويىزى بولادى. بۇل تۋريستىك پويىز. ىسكە قوسىلعاننان كەيىن ءبىز وزىمىزگە قاتىستى كەلىسسوزدەردى جالعاستىرامىز، سوندا ءبىز دە ىسكە قوسا الامىز"، - دەپ جاۋاپ بەردى جانىبەك تايجانوۆ.
ول بۇرىن الماتىدان ۇرىمجىگە دەيىن پويىز جۇرەتىنىن، ءقازىر پويىز تەك شەكاراعا قاتىنايتىنىن ەسكە سالدى. بۇل پاندەميا كەزەڭىنە بايلانىستى بولدى.
"بىزدە رەسەي مەن وزبەكستانعا قاتىنايتىن حالىقارالىق پويىزدار بار، ءبىز ءقازىردىڭ وزىندە قاراعاندى-ماسكەۋ رەيسىن قالپىنا كەلتىرۋگە كەلىستىك"، - دەپ قوستى "جولاۋشىلار تاسىمالى" اق باسقارما ءتوراعاسى.
10 قاراشادا قازاقستان مەن جۇڭگو اراسىندا ۆيزاسىز رەجيم جۇمىس ىستەي باستادى. كەلىسىمگە سايكەس، كورشى ەلدە ۆيزاسىز بولۋ 30 كۇنگە دەيىن سوزىلۋى مۇمكىن.