ق ر قارجى نارىعىن رەتتەۋ جانە دامىتۋ اگەنتتىگى ءتوراعاسىنىڭ ورىنباسارى ولجاس قيزاتوۆ تۇتىنۋ نەسيەسى بويىنشا قارىزىن جابا الماي جۇرگەن ازاماتتاردىڭ سانىن جاريا ەتتى، دەپ حابارلايدى اlmaty-akshamy.kz.
1 ساۋىردەگى مالىمەتتەرگە سايكەس، تۇتىنۋ نەسيەلەرىنىڭ جالپى سوماسى 14،2 ترلن تەڭگەگە جەتكەن. ونىڭ ىشىندە 90 كۇننەن استام مەرزىمى وتكەن نەسيەلەردىڭ ۇلەسى 1،6 ترلن تەڭگەنى نەمەسە 12%-دى قۇراعان. بۇل تۋرالى و. قيزاتوۆ سەناتتا وتكەن باسپا ءسوز ءماسليحاتىندا ايتتى.
"تۇتىنۋ نەسيەسىن العانداردىڭ سانى 8،4 ملن ادامدى قۇرايدى.* ولاردىڭ اراسىندا 90 كۇننەن استام قارىزىن وتەمەگەن ازاماتتار سانى 1،5 ملن ادامعا جەتكەن،" - دەدى و. قيزاتوۆ.
بۇل مالىمەتتەر قازاقستانداعى نەسيە نارىعىنىڭ قازىرگى جاعدايىن جانە قارىزدارىن وتەي الماي جۇرگەن ازاماتتاردىڭ سانىن انىق كورسەتەدى. تۇتىنۋ نەسيەلەرى بويىنشا قارىزىن وتەمەگەندەر سانىنىڭ ءوسۋى قارجىلىق تۇراقتىلىق ءۇشىن ماڭىزدى ماسەلە بولىپ تابىلادى.