قازاقستان تۇرىكتەردىڭ ۇشقىشسىز ۇشاقتارىن شىعاراتىن العاشقى شەتەل مەملەكەتى اتاندى.
تۇركيانىڭ اسكەري تەحنيكا، ونىڭ ىشىندە ءتۇرلى ماركالى ۇشقىشسىز باسقارىلاتىن ۇشاقتار وندىرەتىن Turkish Aerospace كومپانياسىنىڭ باس ديرەكتورى ومەر يىلدىز Anadolu اقپارات اگەنتتىگىنە ANKA ۇشقىشسىز ۇشاقتارىنىڭ العاشقى پارتياسى قازاقستانعا 20 ماۋسىمدا جەتكىزىلەتىنىن مالىمدەگەن، دەپ حابارلايدى Almaty-akshamy.kz
«رەاكتيۆتى قوزعالتقىشى بار Kuzgun باسقالارىنا قاراعاندا اۋىر، سالماعى 100 كەلىگە دەيىن جەتەدى. ول سالماعى 60-90 كەلىگە دەيىنگى وقتۇمسىقتى كوتەرۋگە قاۋقارى بار. ونىڭ قاتتى وتىندى قوزعالتقىش جۇيەسى بار جانە الدەقايدا ۇلكەن قاشىقتىقتى ەڭسەرەدى. ANKA Kuzgun-مەن ايدىڭ سوڭىنا دەيىن جابدىقتالادى»، دەدى ول.
ەسكە سالا كەتەيىك، 10 مامىردا قازاقستان مەن تۇركيا اسكەري-تەحنيكالىق ىنتىماقتاستىق تۋرالى كەلىسىمگە قول قويدى. انكارا تەحنولوگيانى تاسىمالداپ، قازاقستان ارمياسى ءۇشىن ۇشقىشسىز ۇشاقتارعا تەحنيكالىق قىزمەت كورسەتۋ جانە جوندەۋ ءۇشىن كادرلاردى وقىتادى.
«جاڭا كەلىسىم باۋىرلاس قازاقستانمەن دوستىق بايلانىستى ودان ءارى نىعايتا تۇسەدى»، - دەپ اتاپ ءوتتى تۇرىك تاراپى.
تۇركيانىڭ كۆازيسەكتورلىق «تۇرىك اەروعارىش كاسىپورنى» (TUSAŞ) بۇل ۇشقىشسىز اپپاراتتى 2004 جىلى تۇركيا قارۋلى كۇشتەرىنە ارناپ، قۇراستىرا باستاپ، 2010 جىلى العاش سىناقتان وتكەن. ۇشقىشسىز ۇشاقتىڭ ماكسيمالدى ۇشۋ سالماعى 1700 كگ جانە 350 كگ-عا دەيىنگى سالماعى بار جۇكتى كوتەرە الادى. ۇشۋ ۋاقىتى 9000 مەترگە دەيىنگى ماكسيمالدى بيىكتىكتە 30 ساعاتقا دەيىن جەتەدى. قاناتىنىڭ قۇلاشى 7،5 مەتر، ال ۇزىندىعى شامامەن 8 مەتر.