جۇبانوۆ ۋنيۆەرسيتەتىنە حالىقارالىق ۇتقىرلىق باعدارلاماسى اياسىندا تۇركيالىق عالىم دانيال يسرافيلزادە ماگومەدوگلى كەلدى، دەپ حابارلايدى almaty-akshamy.kz
بالىكەسير ۋنيۆەرسيتەتىنىڭ پروفەسسورى فيزيكا-ماتەماتيكا فاكۋلتەتىنىڭ ماگيسترانتتارىنا ءبىر اي بويى ءدارىس وقيدى. سونىمەن قاتار پروفەسسور-وقىتۋشىلار قۇرامى، دوكتورانتتار مەن ماگيسترانتتارعا عىلىمي سەمينار وتكىزەتىن بولادى. «كومپلەكستى جازىقتىق ايماقتارىنداعى قاتارلاردىڭ اپپروكسيماسيالىق قاسيەتتەرى»، «ناقتى وستەگى جانە كومپلەكستى جازىقتىق ايماقتارىنداعى فۋنكسيالاردىڭ جۋىقتاۋ تەورياسى»، «گارمونيكالىق تالداۋ» تاعى دا باسقا باعىتتار بويىنشا عىلىمي-زەرتتەۋ جۇمىستارىنىڭ تاجىريبەسىمەن بولىسەدى.
پروفەسسور دانيال يسرافيلزادە ماگومەدوگلى 1985 جىلدان باستاپ امەريكالىق ماتەماتيكالىق قوعام مۇشەسى. ءازىربايجان ماتەماتيكا جۋرنالى، ءازىربايجان ۇلتتىق عىلىم اكادەمياسى، ءازىربايجان ۇعا ماتەماتيكا جانە مەحانيكا ينستيتۋتى، حازار ماتەماتيكا جۋرنالى جانە قازىرگى ماتەماتيكا جۋرنالدارىنىڭ رەداكتورى قىزمەتىن اتقارىپ كەلەدى. عىلىمي جەتەكشىلىگىمەن 12 ماگيسترانت، 8 دوكتورانت قورعاپ شىقتى.