تۇركيانىڭ الانيا اۋماعىندا بولعان جول اپاتىنان ەكى قازاقستاندىق جاراقات الدى، ولارعا وتا جاسالدى، دەپ حابارلايدى Almaty-akshamy.kz
بۇل تۋرالى ق ر سىرتقى ىستەر مينيسترلىگى مالىمدەدى.
وقيعانىڭ بارلىق ءمان-جايىن انىقتاۋ ءۇشىن ق ر كونسۋلى الانياعا بارعان بولاتىن.
«30 شىلدە كۇنى تاڭەرتەڭ الانيادا قازاقستاننىڭ 12 ازاماتىن تاسىمالداعان شاعىن اۆتوبۋستىڭ جول-كولىك وقيعاسىنا ۇشىرادى. تۇرىك پوليسياسىنان الىنعان الدىن-الا مالىمەت بويىنشا، اۆتوبۋس جۇرگىزۋشىسى جوعارى جىلدامدىقپەن الدىنداعى جۇك كولىگىن سوققان. سوقتىعىسۋ سالدارىنان زارداپ شەككەندەر بار، ولار شۇعىل تۇردە جاقىن ماڭداعى اۋرۋحانالارعا جەتكىزىلدى»، - دەلىنگەن مينيسترلىك حابارلاماسىندا.
ازاماتتارىمىزدىڭ جاي-كۇيىن انىقتاۋ ءۇشىن قازاقستاندىق كونسۋل دەرەۋ الانياعا بارىپ، مەديسينالىق مەكەمەلەرگە بارىپ، زارداپ شەككەن وتانداستارمەن كەزدەستى.
«ميكرواۆتوبۋستا بولعان 12 قازاقستاندىقتىڭ ەكەۋى اۋىرلىعى ورتاشا جاراقات العان. ولارعا وتا جاسالىپ، بارلىق قاجەتتى مەديسينالىق كومەك كورسەتىلەدى. قالعان 10 وتانداستىڭ، ونىڭ ىشىندە 4 بالانىڭ جاعدايى قاناعاتتانارلىق، ومىرىنە ەش ءقاۋىپ جوق. بارلىعىنىڭ مەديسينالىق ساقتاندىرۋى بار. انتالياداعى قازاقستاندىق ديپلوماتتار ءبىزدىڭ ازاماتتارمەن تۇراقتى بايلانىستا جانە ءتيىستى جۇمىس جۇرگىزۋدە»، - دەيدى سىرتقى ىستەر مينيسترلىگى.
ەسكە سالايىق،تۇركيالىق باق-تىڭ حابارلاۋىنشا، قازاقستاندىق تۋريستەردى تاسىمالداعان ميكرواۆتوبۋس الانياداعى Okurcalar Mahallesi D-400 تراسساسىندا جۇك كولىگىنە سوقتىعىسقان. سالدارىنان كولىك جۇرگىزۋشى مەن گيد (ۋكراينا ازماتى) وقيعا ورنىندا كوز جۇمدى.
اپات ورنىنا پوليسيا مەن مەديسينا بريگادالارى دەرەۋ جىبەرىلگەن. كولىكتە بولعان 12 ءتۋريستىڭ التاۋى اۋىر جاراقاتپەن جەرگىلىكتى اۋرۋحانالارعا جەتكىزىلدى.