توكسيكولوگ دارىگەر ميحايل كۋتۋشوۆ قاننىڭ ۇيۋىنا اكەلىپ سوقتىراتىن ونىمدەردىڭ ءتىزىمىن ايتتى.
بۇل ونىمدەرگە مايلى ەت، ىستالعان ەت، كارتوپ، بانان، سونىمەن قاتار ك دارۋمەنى كوپ تاعامدار جاتادى. سونىمەن قاتار ءبىزدىڭ ەلدە كوپ كەزدەسە بەرمەيتىن شپينات، اقجەلكەن، شۆەيساريالىق بوردى، سۋ كرەسى، بريۋسسەل وسكىندەرى بار، دەپ حابارلايدى Almaty-akshamy.kz
«قانت - سۋسىندا دا، تاعامدا دا بولادى. ونى تۇتىنۋدى دوعارۋ كەرەك. جوعارىدا اتالعان ونىمدەردىڭ ماسساسىندا قانتتىڭ جاسىرىن تۇردە بولاتىنىن ەسكەرۋ كەرەك. سوندىقتان ءاربىر تۇتىنعان ونىمدەردىڭ قۇرامىنا ءجىتى نازار اۋدارىپ، كومپوزيسياداعى ءارتۇرلى "سيروپتارعا" نازار اۋدارا وتىرىپ، جاپسىرمالاردى مۇقيات وقىپ شىعۋ كەرەك. سەبەبى قانتتىڭ اسەرىنەن قانداعى گليۋكوزا دەڭگەيى جوعارىلايدى جانە ءليپيدتى قوسىلىستاردىڭ ءوندىرىسى ارتادى»، - دەدى دارىگەر.
اقۋىزدار مەن امينقىشقىلدارىنىڭ جەتىسپەۋشىلىگىمەن قان قويۋلانا باستايدى. سوندىقتان ەتتى مۇلدەم جەمەي قالۋعا بولمايدى. ارنايى ديەتا ۇستاپ ءجۇرىپ جەۋ كەرەك. ءبىراقتا بۇل ەڭ الدىمەن مايسىز سورتتار، ياعني كۇركەتاۋىق نەمەسە تاۋىق ەتىنە قاتىستى. سونداي-اق بالىق، ءسۇت جانە جۇمىرتقانى دا اراگىدىك جەپ تۇرۋ ماڭىزدى.
سونىمەن قاتار، ءسىز جالپى اس قورىتۋ جۇيەسىن باقىلاۋىڭىز كەرەك. سەبەبى دۇرىس تاماقتانباۋ اعزاداعى سۋ بالانسىن بۇزىپ، قاندى قويۋلاتادى.
«اس قورىتۋ ورگاندارى قاجەتتى فەرمەنتتەردىڭ جەتكىلىكسىز وندىرىلۋىنە بايلانىستى اعزا قىشقىلدانىپ، قان قويۋلانادى»، - دەپ ناقتىلادى مامان.
دارىگەر قاننىڭ قويۋلانۋى ۆاريكوزدى تامىرلاردىڭ، ترومبوفلەبيتتىڭ، سونداي-اق جۇرەك-قان تامىرلارى اۋرۋلارىنىڭ ينفاركت قاۋپىمەن تىكەلەي بايلانىستى ەكەنىن اتاپ ءوتتى.