قازاقستاندىق ءجاسوسپىرىم تەننيسشىلەر گەرمانيانىڭ ۋلم قالاسىندا 14 جانە 16 جاسقا دەيىنگىلەر اراسىندا ەكىنشى ساناتتاعى Tennis Europe سەرياسى بويىنشا وتكەن Müller Junior Cup Ulm تۋرنيرىندە جەڭىمپاز اتاندى، دەپ حابارلايدى Almaty-akshamy.kz قازاقپاراتقا سىلتەمە جاساپ.
قازاقستان تەننيس فەدەراسياسىنان ءمالىم ەتكەنىندەي، 14 جاسقا دەيىنگىلەر اراسىندا ەركەجان جاڭاتايەۆا جەكەلەي سىندا ۇزدىك شىقتى.
ەركەجان فينالدا گەرمانيالىق فرانچەسكا پارسەلليدى تىزە بۇكتىردى – 4:6، 6:4، 6:2.
جۇپتىق سىندا ياروسلاۆ پشەنيچنىي مەن مانسۇر سايىنوۆ قارسىلاس شاق كەلتىرمەدى. ال ءاديا وماربەك گەرمانيالىق گۋديت پلامەن بىرگە فيناليست اتاندى.
ءساتيما تورەگەن 16 جاسقا دەيىنگىلەر اراسىندا جەڭىس تۇعىرىنا كوتەرىلدى. ول سوڭعى باسەكەدە نەمىس يدا ۆوبكەردى قاپى قالدىردى – 6:3، 6:7 (4:7)، 6:4.
ۇلدار اراسىندا روديون لۋكاشوۆ – ولجاس ەسەنالى فينالعا دەيىن جەتتى.
