تۇركياداعى جەر سىلكىنىسى كەزىندە قازا تاپقان ءادىل مەن ميربولاتتىڭ مۇردەسى 11 اقپاندا ەلگە جەتكىزىلەدى.
بۇل تۋرالى سىرتقى ىستەر مينيسترلىگىنىڭ رەسمي وكىلى ايبەك سمادياروۆ ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ
«تۇركياداعى جەر سىلكىنىسى سالدارىنان مەرت بولعان ءادىل قادىربەكوۆ پەن ميربولات قۇرماشيەۆتىڭ مۇردەسى 11 اقپاندا ەلىمىزگە جەتكىزىلەدى»، - دەدى ايبەك سمادياروۆ ب ا ق وكىلدەرىنە ارنالعان باسپا ءسوز ءماسليحاتىندا.
ەستەرىڭىزگە سالا كەتسەك، تۇركيانىڭ حاتاي پروۆينسياسىنا قاراستى انتاكيا قالاسىندا جۇرگىزىلگەن ىزدەۋ جۇمىستارىنىڭ بارىسىندا 9 اقپان كۇنى تاڭعى ساعات 9-دا ۇيىندىلەر استىنان ەكى ادامنىڭ ءمايىتى تابىلدى. ونىڭ بىرەۋى تۇركيالىق قۇبىلاي كەسكين بولىپ شىقتى. ەكىنشى مۇردە - ءادىل قادىربەكوۆتىكى. ونى مارقۇمنىڭ تۋىستارى راستادى.
ال بۇگىن ميربولات قۇرماشيەۆتىڭ دەنەسىن قۇتقارۋشىلار ءۇيىندى استىنان الىپ شىققانى بەلگىلى بولدى.