بۇگىن الماتى ماڭىندا ەكى رەت جەر سىلكىندى.
توتەنشە جاعدايلار مينيسترلىگى «سەيسمولوگيالىق تاجىريبە-ادىستەمە ەكسپەديسياسى» ج ش س سەيسميكالىق ستانسيالار جەلىسى 10 اقپان كۇنى الماتى ۋاقىتىمەن 14.44-تە جەر سىلكىنىسىن تىركەدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ءزىلزالا وشاعى الماتىدان وڭتۇستىك-باتىسقا قاراي 113 شاقىرىم قاشىقتىقتا، قىرعىزستان اۋماعىندا ورنالاسقان. ەنەرگەتيكالىق كلاسى – 7.9. MPV ماگنيتۋداسى – 3.4. ەپيسەنتر كوورديناتتارى – 42.38° س.ە. 76.12° ش.ب. تەرەڭدىگى – 20 شاقىرىم. سەزىلگەنى جايلى اقپارات (MSK-64 شكالاسى بويىنشا) جوق»،- دەلىنگەن حابارلامادا.
بۇل الماتى ماڭىندا ءبىر تاۋلىك ىشىندە تىركەلگەن ەكىنشى جەر سىلكىنىسى. ساعات 11:24-تە قازاقستاندىق سەيسمولوگتار 4،5 بالدىق جەر سىلكىنىسى تۋرالى حابارلاعان بولاتىن. جەر سىلكىنىسىنىڭ وشاعى الماتى قالاسىنان وڭتۇستىك-باتىسقا قاراي 338 شاقىرىم جەردە قىرعىزستان اۋماعىندا ورنالاسقان.