وسىلايشا، ءبىزدىڭ ازاماتتار مەملەكەت قورعاۋىندا بولادى، دەپ ءتۇسىندىردى ديپلوماتيالىق ۆەدومستۆو.
ەسەپتىك دەرەكتەر تەك توتەنشە جاعدايلار تۋىنداعان جاعدايدا ولارمەن شۇعىل بايلانىس ورناتۋعا جانە ودان ءارى ءىس-قيمىل ماسەلەسىن شەشۋگە مۇمكىندىك بەرۋ ءۇشىن قاجەت. تىركەۋدەن ونلاين وتۋگە بولادى. وسىعان بايلانىستى قازاقستاننىڭ تۇركياداعى ەلشىلىگىنىڭ رەسمي سايتىنا ءوتىپ، ساۋالنامانى تولتىرۋ كەرەك، دەپ حابارلايدى Almaty-akshamy.kz.
ايتا كەتەيىك، جويقىن ءزىلزالا قۇرباندارى سانى 30 مىڭعا جۋىقتادى. بۇل تۋرالى تۇركيانىڭ توتەنشە جاعدايلاردى ۇيلەستىرۋ ورتالىعى حابارلادى. دەسە دە ءالى ىزدەستىرۋ-قۇتقارۋ جۇمىستارى جالعاسىپ جاتىر.
دۇنيەجۇزىلىك دەنساۋلىق ساقتاۋ ۇيىمىنىڭ مالىمەتى بويىنشا، تۇركيا مەن سيرياداعى جەر سىلكىنىسىنەن 23 ملن تۇرعىن زارداپ شەككەن. ولارعا ەرىكتىلەر دە كومەك قولىن سوزۋدا.
ال سيريادا بۇگىنگى تاڭدا ءۇش جارىم مىڭنان استام ادامنىڭ قازا بولعانى بەلگىلى. وتكەن اپتانىڭ سوڭىندا «اق دۋلىعا» ۇيىمى ىزدەۋ-قۇتقارۋ جۇمىستارىنىڭ اياقتالعانىن مالىمدەدى. بۇۇ-نىڭ قىزمەتكەرلەرى جاپا شەكەن اۋداندارعا دارى-دارمەكتەر مەن قاجەتتى زاتتاردى جەتكىزۋدە.