بۇل تۋرالى پرەمەر-مينيستردىڭ ورىنباسارى التاي كولگىنوۆ ايتتى.
قازاقستاندا قالالار مەن كوشەلەردىڭ 3 مىڭ يدەولوگيالىق ەسكىرگەن اتاۋىن وزگەرتۋ جوسپارلانعان، دەپ حابارلايدى Almaty-akshamy.kz
پرەمەر-مينيستردىڭ ورىنباسارىنىڭ ايتۋىنشا، بىلتىردان بەرى يدەولوگيالىق تۇرعىدان ەسكىرگەن اتاۋلاردى قايتا اتاۋ جونىندەگى 2022-2025 جىلدارعا ارنالعان جول كارتاسى ىسكە اسىرىلىپ جاتىر. جول كارتاسىنىڭ اياسىندا 2021 جىلى 68 ەلدى مەكەن مەن ولاردىڭ 572 قۇرامداس بولىگىنىڭ اتاۋلارى وزگەرتىلگەن
"جالپى جول كارتاسىنىڭ شەڭبەرىندە 3 مىڭعا جۋىق ەسكىرگەن اتاۋلاردى الماستىرۋ جوسپارلانعان. اتاۋدى بەرۋ كەزىندە مىندەتتى تۇردە جەرگىلىكتى تۇرعىنداردىڭ پىكىرى ەسكەرىلەدى جانە ۇسىنىلىپ وتىرعان اتاۋدىڭ تاريحى زەرتتەلەدى"، - دەلىنگەن جاۋاپتا.
2021 جىلعى قىركۇيەكتە رەسپۋبليكالىق ونوماستيكا كوميسسيا مەملەكەت پەن قوعامنىڭ دامۋىنا زور ۇلەس قوسقان قايراتكەرلەر قاتارىنان "تاريحي تۇلعالار" ءتىزىمىن قالىپتاستىرعان. اتاۋلاردى وزگەرتۋ كەزىندە ونوماستيكا كوميسسيالارى "تاريحي تۇلعالار" تىزىمىنە ەنگەن ەسىمدەردى پايدالانادى.