تۇركيانىڭ كولىك ءمينيسترى ءابدىلقادىر ورالوعلۋ 22 مامىردا ەلىمىزدىڭ اۋەجايلارىندا بارلىق جولاۋشىلاردى مۇقيات تەكسەرۋدى ەنگىزۋ تۋرالى مالىمدەدى، دەپ حابارلايدى اlmaty-akshamy.kz Hurriyet باسىلىمىنا سىلتەمە جاساي وتىرىپ. بۇل شارا ازاماتتىق اۆياسيا تۋرالى زاڭناماعا وزگەرىستەر ەنگىزۋگە باعىتتالعان جاڭا زاڭ جوباسى اياسىندا جۇزەگە اسىرىلۋدا.
ءابدىلقادىر ورالوعلۋ جاڭا زاڭ جوباسىنا تۇسىنىكتەمە بەرە وتىرىپ، اۋەجايلاردا جولاۋشىلاردى تەكسەرۋدىڭ جاڭا قاتاڭ ەرەجەلەرى تۋرالى مالىمدەدى. ونىڭ ايتۋىنشا، بارلىق جولاۋشىلار اۋەجايعا كىرگەن كەزدە ارنايى جابدىقتى پايدالانىپ تەكسەرۋدەن وتەدى.
"جابدىق جەتكىلىكسىز بولعان جاعدايدا قولمەن تەكسەرۋ جۇرگىزىلەدى. وزدەرىن نەمەسە زاتتارىن تەكسەرۋدەن باس تارتقان جولاۋشىلار ۇشاققا وتىرۋعا رۇقسات المايدى"، - دەپ اتاپ ءوتتى ورالوعلۋ.
ورالوعلۋ CNN Turk تەلەارناسىندا تۇركيانىڭ حالىقارالىق ازاماتتىق اۆياسيا ۇيىمىنىڭ مۇشەسى ەكەنىن جانە ونىڭ تالاپتارىن بەلسەندى ورىندايتىنىن دا اتاپ ءوتتى.
"ۇشاقپەن ساياحاتتاۋ كەزىندە ءسىز كەز-كەلگەن تەكسەرۋگە كەلىسىپ، مارتەبەڭىزگە قاراماستان جالپى قابىلدانعان ەرەجەلەردى ۇستانۋىڭىز كەرەك. ءقاۋىپ تونگەن جاعدايدا بارلىعى تەكسەرىلەدى"، - دەپ اتاپ ءوتتى مينيستر.