ارگەنتينا، ۋرۋگۆاي، مەكسيكا، ۆەنەسۋەلا جانە يسپانيادان كەلگەن Dears قۇرعان قازاقستاندىق ءانشىنىڭ «ديماش ءۇشىن» جانكۇيەرلەر توبى پاتاگونيا دوستارىنىڭ قاۋىمداستىعى ءۇشىن ارگەنتيناداعى ورمان ورتتەرى سياقتى تابيعي اپاتتاردان زارداپ شەككەن ورمانداردى قالپىنا كەلتىرۋمەن اينالىساتىن ارگەنتينانىڭ سولتۇستىگىنەن بىرلەسە وتىرىپ 300 اعاش ساتىپ الدى، دەپ حابارلايدى Almaty-akshamy.kz.
ديماش قۇدايبەرگەننىڭ «OMIR» تۋىندىسىنان شابىتتانعان Dears:
«ءبىزدىڭ ءومىر جولىمىزدا كەزدەسكەن ءاربىر ادامنىڭ وزىندىك ورنى بار. ءبىز تابيعاتتىڭ ەڭ قۇنارلى بولىگى جەر سياقتىمىز. كەيبىر ادامدار باسقالاردىڭ جۇرەگىندە گۇلدەگەن ماحاببات داندەرى سياقتى. ولار ونە بويلارىنا سۇلۋلىقتى، سۇيىسپەنشىلىكتى، مەيىرىمدىلىك جانە نازىكتىكتى سىڭىرە بىلگەن.ديماشتىڭ داۋىسى – ءبىر-بىرىمىزدى قۇرمەتتەۋگە، ءبىر-بىرىمىزدى سۇيۋگە، بەيبىتشىلىك ورناتۋعا جانە عالامشارىمىزدى ءارقايسىمىزدىڭ ۇيىمىزدەي كۇتۋگە شاقىراتىن تاماشا حابار»،- دەپ بارلىعىن بىرىگۋگە شاقىردى.
OMIR جوباسىنىڭ العاشقى قادامى اكامبۋكو – سالتا – ارگەنتينا تابيعي قورىعىنا 300 اعاش جونەلتۋمەن باستالدى.
بۇل قورىق ارگەنتينانىڭ سولتۇستىگىندەگى وسىمدىكتىڭ ءار ءتۇرى وسەتىن (سۋبتروپيكالىق دجۋنگلي) سالتا پروۆينسياسىندا ورنالاسقان. Quina Colorada، Urundales، Robles Criollos، Lanzas Blancas، Simaras، Pacaras جانە Horcos Cebiles سياقتى اعاش تۇرلەرى اكامبۋكو قورىعىنىڭ پيتومنيگىنىڭ جۇمىسى ارقىلى الىندى. بۇل باستاما سوڭعى جىلدارى ءورت سالدارىنان زارداپ شەككەن ءوڭىردىڭ بيوالۋانتۇرلىلىگىن قالپىنا كەلتىرۋدەگى ەلەۋلى قادام بولىپ تابىلادى.
وسى ماڭىزدى شاراعا توپتىڭ كوپتەگەن مۇشەلەرى قاتىساتىن بولعاندىقتان 24 مامىردا ىستامبۇلدا وتەتىن كونسەرتتە ديماش پەن ونىڭ كومانداسىنا پاتاگونيا دوستارى قاۋىمداستىعىنىڭ ديماشتىڭ اتىنا بەرىلگەن سەرتيفيكات پەن Dears جۇمىسىنىڭ تولىق سيپاتتاماسى بار حاتتى تابىستاۋ جوسپارلانۋدا.