الماتى اكىمدىگى قاتتى تۇرمىستىق قالدىقتاردى جيناۋ جانە شىعارۋ ءۇشىن ينفراقۇرىلىمدى ساپالى جاڭعىرتۋ جۇمىستارىن بەلسەندى تۇردە جالعاستىرۋدا.
2024-2025 جىلدارى قالادا قتق (قاتتى تۇرمىستىق قالدىقتار) جيناۋعا ارنالعان 2905 تەرەڭدەتىلگەن كونتەينەرلەر ورناتىلادى. بۇل تۋرالى الماتى اكىمى ەربولات دوسايەۆ المالى اۋدانىنىڭ تۇرعىندارىمەن كەزدەسۋ بارىسىندا مالىمدەدى.
اكىمنىڭ ايتۋىنشا، 2012 جىلدان بەرى ورناتىلعان بارلىق كونتەينەرلەر رەكونسترۋكسيالانادى. سونىمەن قاتار، 516 جاڭا تەرەڭدەتىلگەن كونتەينەر الاڭى سالىنادى، ولاردىڭ جارتىسى اعىمداعى جىلدىڭ سوڭىنا دەيىن ورناتىلادى.
"اگرەسسيۆتى ورتانىڭ اسەرىنەن قوقىس جاشىكتەرىنىڭ مەتالى تەز ەسكىرەدى. 2025 جىلدىڭ سوڭىنا دەيىن بارلىق توزعان كونتەينەرلەردى تۇگەل اۋىستىرامىز"، - دەدى ەربولات دوسايەۆ.
الماتىدا وتكەن جىلدىڭ سوڭىندا تەرەڭدەتىلگەن قوقىس كونتەينەرلەرىن ورناتۋ جۇمىستارى باستالدى. ولاردىڭ ارتىقشىلىعى - گەرمەتيكالى جانە بۇرالقى يتتەر مەن قۇستار ولارعا جەتە المايدى. سونداي-اق، تەرەڭدەتىلگەن كونتەينەرلەر جاعىمسىز ءيىستى تاراتپايدى ءارى ەستەتيكالى.
"حالىقارالىق تاجىريبەگە سايكەس، ءبىز قاپشىقتى كونتەينەرلەردى ورناتۋدى جوسپارلاپ وتىرمىز. قىزمەت كورسەتۋ تۇرعىسىنان - قوقىس كونتەينەرلەرىن جۋۋ، سانيتارلىق تازارتۋدا شۇبەرەكتەن جاسالعان قاپشىقتى كونتەينەرلەر الدەقايدا ءتيىمدى. سونىمەن قاتار، بيىل ءبىز 1800 ەۋروكونتەينەردى اۋىستىرامىز"، - دەپ اتاپ ءوتتى اكىم.
بۇل شارالار الماتى قالاسىنىڭ ەكولوگيالىق جاعدايىن جاقسارتۋعا جانە قالا تۇرعىندارىنىڭ ءومىر ءسۇرۋ ساپاسىن ارتتىرۋعا باعىتتالعان.