بۇل تۋرالى ەلدىڭ ىشكى ىستەر ءمينيسترى سۇلەيمان سويلۋ ءمالىم ەتتى.
14 ناۋرىزدا ەلدىڭ ەكى پروۆينسياسىندا نوسەر جاۋىپ، جۇزدەگەن ءۇي سۋ استىندا قالدى. كوپىرلەر مەن جولدار قيرادى، دەپ حابارلايدى Almaty-akshamy.kz Ulysmedia.kz-كە سىلتەمە جاساپ.
«ادىياماندا ەكى ادام، شانلىۋرفادا 13 ادام سۋ تاسقىنىنان قازا تاپتى. جوعالعان بەس ادامدى ىزدەۋ جۇمىستارى جالعاسۋدا»، - دەدى سويلۋ TRT تەلەارناسىندا.
كەيبىر جەرلەردە قايىقسىز ءجۇرۋ مۇمكىن ەمەس. حالىق ءقاۋىپسىز اۋداندارعا ەۆاكۋاسيالانىپ جاتىر. مەتەورولوگتاردىڭ ايتۋىنشا، ادىيامان جانە شانلىۋرفا پروۆينسيالارىنداعى جاۋىن-شاشىن كەم دەگەندە تاعى ەكى كۇنگە سوزىلادى.
ءقازىر جاۋىن-شاشىننىڭ سالدارىنان سىرتقا شىعا الماي قالعان تۇرعىنداردى ىزدەستىرۋ جۇمىستارى جالعاسۋدا.