ينتەرنەتتە ەڭ كوپ قارالاتىن سايتتاردىڭ قاتارىن Kundelik.kz باستاپ تۇرعانى جايلى بۇعان دەيىن بىرنەشە رەت ايتىلدى. كۇن سايىن اتا-انا، وقۋشى مەن مۇعاءلىمنىڭ ساعاتتاپ وتىراتىن پلاتفورماسى جارناما بەرۋشىلەرءدىڭ دە نازارىنا ءىلىنسە كەرەك. ءقازىر تاۋارىن ءوتكىزۋگە اسىققان كاسىپكەرلەردىڭ بارلىعى رەيتينگتە كوش باستاپ تۇرعان سايتقا جارناما بەرەدى. وسىلايشا، 6500-دەن استام مەكتەپكە ارنالعان ءبىلىم الۋ جۇيەسى حابارلاندىرۋ تاقتاسىنا اينالعان، دەپ جازادى اikyn.kz.
توقسان سوڭىندا سايت ىستەمەي قالادى
الەم ەلەكتروندى كۇندەلىكتى 1975 جىلدان باستاپ قولدانسا دا، ءبىزدىڭ ەلگە بۇل جۇيەنىڭ كەلگەنىنە 7 جىل بولدى. كەم-كەتىگى دە بارشىلىق. اسىرەسە، ۇستازدار قاۋىمى ەلەكتروندى كۇندەلىكتىڭ ءتيىمسىز ەكەنىن ايتىپ، شاعىمدانۋدان شارشاعان ەمەس. ايتالىق، ءبىراز مەكتەپتە سىنىپ جەتەكشىلەرى اتا-انالارعا Kundelik.kz-كە تۇراقتى تۇردە كىرىپ وتىرۋدى تاپسىرادى ەكەن. سەبەبى ءاربىر وقۋشىنىڭ اتا-اناسىنىڭ كىرگەنى ەلەكتروندى كۇندەلىكتە كورسەتىلىپ تۇرادى. ال پەداگوگتەردىڭ ايتۋىنشا، ولار ءوز سىنىبىنان قانشا ادامنىڭ قانشا رەت سايتقا كىرگەنى جونىنەن ەسەپ تاپسىرۋعا ماجبۇرلەنگەن. كومپانيانىڭ تالابى سونداي بولسا كەرەك. بىرنەشە جىل بۇرىن zero.kz ينتەرنەت-ستاتيستيكا سەرۆيسىندەگى رەيتينگتە Kundelik.kz ۇنەمى ءبىرىنشى ورىندا تۇراتىن. وسىنىڭ ارقاسىندا رەيتينگ باسىنداعىلاردىڭ جارنامالىق تابىسى دا جاقسى جۇرەدى.
– كundelik.kzء-تىڭ مۇعالىمدەرگە ارتاتىن جۇمىسى كوپ. كۇن سايىن ونلايندا ءۇي تاپسىرماسىن بەرىپ، ۋاقىتىن بەلگىلەپ، باعا قويامىز. كۇندە 100 پايىز تولتىرماساق، رەيتينگىمىز ءتۇسىپ قالادى. اۋىلدى جەردىڭ بارلىعىندا ينتەرنەت جىلدام جۇمىس ىستەمەيدى. سوندىقتان كەيدە مەكتەپتە وتىرىپ ەلەكتروندى كۇندەلىك تولتىرامىز. توقساننىڭ اياعىندا بۇكىل ءمۇعالىم كىرگەندىكتەن، سايت ىستەمەي قالادى. ياعني، ءبىر ادامنىڭ بىرنەشە رەت سايتقا كىرۋى. ءبىر ءمۇعالىم سايتتى 15 پاراقشادان اشىپ قويادى. ءناتيجەسىندە، Google ءسىزدى حاكەر دەپ ويلاپ، اۆتوماتتى تۇردە سايتتان شىعارىپ تاستايدى، – دەيدى ينفورماتيكا ءپانىنىڭ ءمۇعالىمى الماگۇل يسابەكوۆا.
اۆتوماتتاندىرۋ جاعىن رەتتەۋ كەرەك
جالپى، ەلەكتروندى كۇندەلىكتىڭ ماۋسىمدىق ءونىم ەكەنى جاسىرىن ەمەس، سەبەبى وقۋشىلارمەن تىكەلەي بايلانىستى بولعاندىقتان، ءشاكىرتتەر دە، اتا-انالار دا كانيكۋل كەزىندە ونلاين كۇندەلىكتىڭ بەتىن اشپايتىنى ءمالىم. الايدا ەلىمىزدەگى جۇزدەگەن مىڭ پەداگوگ كۇن سايىن كىرگەن سوڭ، Kundelik.kz جاز كەزىندە دە رەيتينگتە العاشقى وندىققا كىرەدى. ەلەكتروندى كۇندەلىكتى پايدالاناتىنداردىڭ 51 پايىزى - مەكتەپ وقۋشىلارى، 13 پايىزى - مۇعالىمدەر بولسا، 36 پايىزى - اتا-انالار. جاقىندا اتا-انالار مەن مۇعالىمدەر ءۇي تاپسىرماسى جانە باعالاردان بولەك، پلاتفورمادا باسقا دا كوپتەگەن جارنامالاردىڭ ءجيى كەزدەسەتىنىن ايتىپ دابىل قاقتى. وقۋ پروسەسىنە قاتىسۋشىلارعا تاماق پەن اشەكەي، كينو مەن كيىمدەردىڭ جارناماسى قاجەت پە دەگەن سۇراق تۋىندايدى. ءتىپتى ەلەكتروندى كۇندەلىكتە «تۇنگى شايقاسقا» ارنالعان جۇمساق ماتراستى جارنامالايتىنداردى كەزىكتىرە الاسىز. ءبىلىم ساراپشىسى مەيىرجان تەمىربەكتىڭ ايتۋىنشا، Kundelik – جەكەمەنشىك كومپانيا. مەملەكەت تاراپىنان اقشا تولەنبەيدى. جارناما ارقىلى كۇنىن كوءرىپ وتىر. كازنەتتە رەيتينگ جاعىنان الدىڭعى ورىندا. قولدانۋشىلارى وتە كوپ. بۇل پلاتفورما رەسەيدەگى «دنيەۆنيكتىڭ» بالاماسى، ءبىراق ىشكى فۋنكسيالارى ءبىزدىڭ وقۋ اعارتۋ مينيسترلىگىنىڭ بۇيرىقتارىنا قاراي كوپ وزگەرگەن.
– ەلەكتروندى كۇندەلىكتىڭ بەتىندەگى جارنامادان كوز سۇرىنەدى. «جارناما سالماڭدار» دەپ پلاتفورماعا تاعى ايتا المايسىڭ. ويتكەنى، ولار ۇكىمەتتەن اقشا الىپ وتىرعان جوق. جارنامادان تۇسكەن قارجىمەن كۇن كورىپ وتىر. قىزمەتكەرلەرىنىڭ ايلىقتارىن دا سول تابىسپەن تولەپ وتىر. ءبىز «نەگە جارناما كوپ؟» دەپ شاعىمدانعاندا وسىنداي دالەلدەر ايتقان. كۇندەلىكتىڭ جۇمىسى ءالى ءبىر جۇيەگە كەلتىرىلمەگەن. اۆتوماتتاندىرۋ جاعىن رەتتەۋ كەرەك، – دەيدى مەءيىرجان تەمىربەك.
ونىڭ پىكىرىنشە، ەلەكتروندى جۋرنال، كۇندەلىك، سيفرلاندىرۋدى جۇزەگە اسىرىپ جاتىر دەمەسەڭ، بۇل جۇيەنىڭ وزگەرتەتىن تۇستارى كوپ. ۇستازدار ءبىر ساباقتى تولتىرۋ ءۇشىن ءۇش-تورت بەت اشىپ، الەككە تۇسەدى. ودان كەيىن سايت مىڭداعان ءمۇعالىمءنىڭ كىرگەنىن كوتەرمەي، ىستەمەي قالادى. سوڭىندا رەيتينگ دۇرىس بولماعانى ءۇشىن تاعى دا ءمۇعالىم ءسوز ەستيدى. ءيا، بىلتىر جازدا Kundelik.kz ەلەكتروندىق جۋرنالىن 1 كۇن تولتىرماعانى ءۇشىن مەكتەپ ديرەكتورى الماتى وبلىسىنىڭ تالعار اۋدانىنداعى ماتەماتيكا ءپانىنىڭ ءمۇعالىمىن جۇمىستان شىعارىپ جىبەرگەن.
– اۋىلدىق ەلدى مەكەندە تۇراتىندىقتان، بىزدە ينتەرنەتتىڭ جىلدامدىعى تومەن. ءوزىم دە اتا-انا رەتىندە بىلەمىن. ينتەرنەت دۇرىس ىستەمەگەندىكتەن، كەيدە تۇنگى ساعات 2-3-تەردە تولتىرامىز. ونىڭ ۇستىنە، ول كەزدە ەلدە قاڭتار وقيعالارى بولىپ جاتقاندىقتان، ينتەرنەت بۇعاتتالدى. سوندىقتان Kundelik.kz ەلەكتروندىق جۋرنالىن تولتىرا الماعانىم راس. الايدا مەكتەپ ديرەكتورى ءوزى دە 8 ساعات ساباق بەرەدى. ءوزى سول ارالىقتا 50% كورسەتكىش قانا كورسەتە العان. وندا نەگە وزىنە-وزى شارا قولدانبايدى؟ زاڭ بارلىعىمىزعا ورتاق، – دەپ قاپالانادى جانات ەرمەكباي قىزى.
وسىلايشا، ەلەكتروندى كۇندەلىك جارناما جاريالاۋدان الدىنا جان سالماسا دا، جۇيەنىڭ قاتەلىگىنەن قانشاما ءمۇعالىمنىڭ وبالىنا قالىپ وتىر. ال كومپانيانىڭ جارنامادان قانشا تابىس تاباتىنى بەلگىسىز. ءبىز kundelik.kz-كە جارناما بەرۋشى رەتىندە حابارلاسىپ كوردىك.
– جارناما بەرۋ ءۇشىن بىزگە ۋاقىتتىڭ ارالىعى مەن قاي قالالارعا جارناما جاسايتىنىڭىزدى ايتساڭىز جەتكىلىكتى. بىزدە بانەرلىك، ماقالا جانە مۇعالىمدەرگە ارنالعان ارنايى ءبولىم سياقتى جارناما تۇرلەرى بار. جارنامانىڭ باعاسى بەلگىلەنگەن ۋاقىتقا جانە ايماققا تىكەلەي بايلانىستى. مىسالى، الماتىدا 700، ال رەسپۋبليكادا 700 مىڭ ءمۇعالىم بار. سونداي-اق، بىلىمگە قاتىستى جارنامالارعا جەڭىلدىك قاراستىرىلعان. ەگەر ءسىز استانا قالاسى بويىنشا ەكى ايعا سايتقا جارناما ورنالاستىرساڭىز باعاسى 650 مىڭ تەڭگە تۇرادى. ماقساتتى اۋديتوريادا بالالار جوق بولسا، اتا-انالار مەن مۇعالىمدەرگە ارنالعان جارنامالاردى دا بەرە الاسىز. جارناما بەلگىلى ءبىر تالاپتارعا ساي كەلۋى كەرەك. كوبىنەسە دۇرىس تاماقتانۋ، وقۋ اعارتۋعا، تۇرمىستىق قولدانىسقا ارنالعان جارنامالار شىعادى. وسىنشا جارناما الامىز دەگەن شەكتەۋ جوق. ترافيك كوپ بولعاندىقتان الا بەرەمىز. جارنامالار اسىپ قالاتىن بولسا ءبىز ونى ياندەكسكە ساتىپ جىبەرەمىز. وقۋ اعارتۋ مينيسترلىگى سايتتى قاداعالاپ، باقىلاۋدان وتكىزىپ وتىرادى، – دەيدى kundelik.kz سايتىنىڭ مەنەدجەرى ارداق.
كومپانيا ەشقاشان مەملەكەتتىك سۋبسيديا الماعان. وقۋ-اعارتۋ مينيسترلىگى دە بۇل جوبانى قارجىلاندىرماعان ەكەن. سوندىقتان پايدالانۋشىلار كورەتىن جارناما – بۇل جۇمىسشىلاردىڭ ەڭبەگىن، جالداۋ اقىسىن جانە سالىقتاردى تولەۋدىڭ جالعىز ءتاءسىلى. سونداي-اق، وسى تابىستان ەلەكتروندى پورتالدى دامىتۋعا ينۆەستيسيا دا سالىنادى ەكەن.
P.S: 6500 مەكتەپ پەن 7 ميلليونعا جۋىق قولدانۋشىسى بار پلاتفورما جۇمىسىنا ايتىلار سىن كوپ. ءبىراق كومپانيا «جارنامامەن كۇن كورىپ وتىرمىز» دەپ ءوزىن-وزى اقتاپ الىپ وتىر. ەندەشە، جارنامامەن جان باعاتىن Kundelik.kz-كە وقۋ اعارتۋ مينيسترلىگى قارايلاساتىن ۋاقىت كەلدى.
اقپارات اikyn.kz الىندى.