تۇركيادا ءقوناقۇيدىڭ شاتىرى قۇلاپ، بىرنەشە ادام زارداپ شەكتى

10 ادام اۋرۋحاناعا جەتكىزىلدى.

تۇركيانىڭ سولتۇستىگىندەگى سارىكامىش قالاسىندا ءقوناقۇيدىڭ شاتىرى قۇلاپ، 10 ادام اۋرۋحاناعا جەتكىزىلدى. بۇل تۋرالى كارس پروۆينسياسىنىڭ گۋبەرناتورى مالىمدەدى، دەپ حابارلايدى اlmaty-akshamy.kz Tengrinews.kz سىلتەمە جاساپ.

«زارداپ شەككەن 10 ادام اۋرۋحاناعا جاتقىزىلدى»، - دەلىنگەن حابارلامادا.

كارس پروۆينسياسىنىڭ گۋبەرناتورى زارداپ شەككەندەردىڭ ومىرىنە ءقاۋىپ ءتونىپ تۇرماعانىن ايتتى.

ەلدىڭ دەنساۋلىق ساقتاۋ ءمينيسترى فاحرەتتين قوجا 32 ازاماتتىڭ جاراقات العانىن، ونىڭ توعىزى اۋرۋحاناعا جاتقىزىلعانىن مالىمدەگەن.

باسىلىم مالىمەتىنشە، قايعىلى وقيعا ءبىرىنشى دۇنيەجۇزىلىك سوعىستا قازا تاپقانداردى ەسكە الۋعا كەلگەن تۇرعىنداردىڭ باسقوسۋى كەزىندە بولعان.

عيماراتتا ەسكە الۋ شارالارى ءوتىپ، ونىڭ اياسىندا ءقوناقۇي فويەسىندە تەاترلاندىرىلعان قويىلىم كورسەتىلگەن. توبەنىڭ قۇلاۋىنان كەيىن وقيعا ورنىنا بريگادالار جونەتىلگەن. قۇتقارۋ جۇمىستارى جالعاسىپ جاتىر.

جاستار جانە سپورت ءمينيسترى مەحمەت كاساپوگلۋ قوناقۇيدە ەشكىمنىڭ قالماعانىن جانە قوناقتاردىڭ ومىرىنە ەش ءقاۋىپ تونبەيتىنىن باسا ايتقان.