جالعان كۋالىك كورسەتكەن ازامات ۋاقىتشا ۇستاۋ يزولياتورىنا قاماۋعا الىندى.
الماتىدا ءوزىن انتيكوردىڭ قىزمەتكەرى ەتىپ كورسەتىپ كەلگەن تۇرعىن ۇستالدى، دەپ حابارلايدى اlmaty-akshamy.kz ق ر سىبايلاس جەمقورلىققا قارسى ءىس-قيمىل اگەنتتىگىنىڭ باسپا ءسوز قىزمەتىنە سىلتەمە جاساپ.
2023 جىلى 6 قاڭتاردا سىبايلاس جەمقورلىققا قارسى قىزمەتتىڭ وزىندىك قاۋىپسىزدىك دەپارتامەنتى الماتى قالاسى پد ءاپب ارنايى باتالونىنىڭ قىزمەتكەرلەرىمەن بىرلەسىپ، جولدا ءجۇرۋ ەرەجەلەرىن بۇزعانى ءۇشىن اكىمشىلىك جاۋاپكەرشىلىككە تارتىلماۋ ماقساتىندا ءوزىن سىبايلاس جەمقورلىققا قارسى قىزمەتتىڭ قازىرگى قىزمەتكەرى رەتىندە تانىستىرعان 1987 جىلى تۋعان ازامات ۇلان رايدى اشكەرەلەدى.
قۇجاتتاردى تەكسەرۋ بارىسىندا قۇقىق بۇزۋشى ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى دەپارتامەنتى قىزمەتكەرىنىڭ جالعان قىزمەتتىك كۋالىگىن كورسەتكەن.
جالعان كۋالىك كورسەتكەن ازامات ۇستالىپ، ۋاقىتشا ۇستاۋ يزولياتورىنا قاماۋعا الىندى. تەرگەۋ جالعاسۋدا.
وسى ازاماتتىڭ قاتىسۋىمەن قۇقىققا قارسى ءىس-قيمىل فاكتىلەرى بويىنشا قانداي دا ءبىر اقپارات بولعان جاعدايدا، سىبايلاس جەمقورلىققا قارسى قىزمەتتىڭ Call-ورتالىعىنا 1424 نەمەسە 8 (7172) 90-94-08 ءنومىرى بويىنشا حابارلاسۋعا بولادى.