8-سىنىپ وقۋشىسى دىنمۇحاممەد نۇرعالي ۇلىنىڭ ەرتەگىلەر كىتابى تۇركيالىق وقۋشىلارعا تانىستىرىلدى.
بۇۇ ارنايى جۇلدەسىن جەڭىپ العان «تاقيالى قۇس» ەرتەگىسى تۇرىك تىلىنە اۋدارىلىپ، ىستامبۇلداعى اباي اتىنداعى مەكتەپتىڭ وقۋشىلارىنا تاراتىلدى. ەرتەگىدە ەكى قۇستىڭ باسىنان كەشكەن قىزىقتى وقيعالار ارقىلى جەڭىل تىلمەن بالالارعا الەمدىك ەكولوگيا ماسەلەسى تۇسىندىرىلەدى، دەپ حابارلايدى Almaty-akshamy.kz.
ىستامبۇلداعى باس كونسۋلدىقتىڭ ۇيىمداستىرۋىمەن وتكەن بۇل كەشتىڭ ماقساتى - باۋىرلاس ەكى ەلدىڭ وقۋشىلارىن كىتاپ ارقىلى جاقىنداستىرۋ. وقۋشىلارمەن كەزدەسىپ، سۇراقتارىنا جاۋاپ بەرگەن جاس اۆتور جيىن سوڭىندا بالالارعا قولتاڭبا ۇلەستىرىپ، سۋرەتكە ءتۇستى.
«بۇل كىتاپتى جازۋداعى ماقسات ارال تەڭىزى ماسەلەسىن كوتەرۋ جانە تابيعاتتى قورعاۋ تۋرالى. باسقا دا قىزىقتى كىتاپتاردى وقۋعا سىلتەمە جاساۋ. وسى كىتاپتى تانىتۋ ءۇشىن اۋداردىق. وقۋشىلار جاقسى قارسى الدى ۇناتتى. بارىنە ۇنادى»، - دەيدى كىتاپ اۆتورى دىنمۇحاممەد نۇرعالي ۇلى.